सीसी क्यामरा फुटेजको आधारमा चोरी भएको सामानसहित चार पक्राउ
नेपालबहस संवाददाता
भदौ २३, २०७७ मंगलबार १९:६:५०
◊धीरुभाइ
२३ भदौ, सप्तरी । पसलमा जडान गरिएको सीसीटिभीको फुटेजको मद्दतले राजविराज नगरपालिका ७ स्थित गुदरी लाइनको एक चोरिएको सामानसहित चार जनालाई सप्तरी प्रहरीले पक्राउ गरेको छ ।
चोरी भएको सामानसहित राजविराज नगरपालिका ६ बस्ने सैनी भनिने सनिया मण्डल, उनकी बहिनी ज्योतीकुमारी मण्डल सहनी, राजविराज नगरपालिका ४ का समिम अन्सारी र रुपनी गाउँपालिका ४ का लालमहमद राइनलाई सीसी क्यामराको फुटेजको आधारमा नियन्त्रणमा लिइएको जिल्ला प्रहरी सप्तरीका प्रहरी उपरीक्षक राजेन्द्रप्रसाद धमलाले जानकारी दिए । मंगलबार बिहान जिल्ला प्रहरी कार्यालय सप्तरीमा पत्रकार सम्मेलन आयोजना गरेर उनीहरुलाई सार्वजनिक गरिएको छ ।
राजविराज नगररपालिका–७ गुदरीलाइन स्थित ओमप्रकाश साहको दुई तल्ले पक्की घरमा रहेको गणेश स्टोर किराना पसलमा चोरी गरेको आरोपमा प्रहरीले उनीहरुलाई पक्राउ गरेको हो । भदौ २१ गते राती पसलमा चोरी भएको थियो ।
पक्राउ परेकाहरुको बयानको आधारमा विभिन्न स्थानबाट रिचार्ज कार्ड र नगद गरी चार लाख नौ हजार ३४५ रुपियाँ बरामद गरेको उनले पत्रकार सम्मेलनमा जानकारी दिए। भदौ २२ गते बिहान उक्त किराना पसलमा खोल्दा एक लाख ५० हजार रुपैयाँ बराबरका रिचार्ज कार्ड र नगद गरी चार लाख रुपैयाँ चोरी भएको सूचना पाएलगतै प्रहरी अनुसन्धानमा सक्रिय भएको प्रहरी उपरीक्षक धमलाले किराना पसलमा जडान गरिएको सीसीटिभी फुटेजका आधारमा चोरीमा संलग्नहरुको पहिचान गरी उनीहरुलाई पक्राउ गरेको बताए ।
यता चोरीको आरोपमा पक्राउ परेका सैनी पसलभित्र पसेर चोरी गरेको र उनकी बहिनी ज्योतीले चोरेर ल्याएको नगदसहित सामग्री आफैले सञ्चालन गरेको ज्योती मदिरा पसलमा जानी जानी लुकाइएको प्रारम्भिक अनुसन्धानमा खुलेको बताइएको छ । त्यस्तै समिमले लुकाएको सामानको रेखदेखमा खटिएको आरोप तथा लालमहमदले सैनीलाई चोरीमा सहयोग पु¥याएको अनुसन्धानबाट खुलेको बताइएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रसाईंका हतियारबारे छानबिन गर्न गृहले बनायो समिति
चैत १६, २०८० शुक्रबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
सर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार
आयरल्याण्ड वोल्भ्सविरुद्ध लोकेश बमको शतक
चैत १६, २०८० शुक्रबार
बागमती प्रदेशस्तरीय भलिबल प्रतियोगिता हुने
चैत १६, २०८० शुक्रबार
नयाँ शैक्षिकसत्र सुरु नहुँदै म्याग्दीमा पाठ्यपुस्तक भित्रियो
चैत १६, २०८० शुक्रबार
मन्त्रीहरुलाई राष्ट्रिय सभामा उपस्थित हुन निर्देशन
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार