काठमाडौं उपत्यकाका थप ३९६ जनालाई कोरोना

२३ भदौ, काठमाडौं । निषेधाज्ञा भएपनि संक्रमण बढिरहेको काठमाडौं उपत्यकाका थप ३९६ जनालाई कोरोना पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौंका ३००, भक्तपुरका ५८ र ललितपुरका ३८ जनामा संक्रमण पुष्टि भएको हो ।

यससँगै काठमाडौंमा कुल संक्रमितको संख्या ६ हजार ९१७ पुगेको छ । यस्तै ललितपुरमा ९३९ र भक्तपुरमा ७२४ जना संक्रमित छन् । पछिल्लो चौबिस घण्टामा दुई जनाको मृत्यु भएको छ । कोरोनाबाट काठमाडौंकी ८० वर्षीया महिला र ८५ वर्षीय पुरुषको मृत्यु भएको स्वास्थ्य मन्त्रालयका प्रवक्ता जागेश्वर गौतमले बताएका छन् ।