अल्का अस्पतालमा संक्रमित बृद्धको मृत्यु

२४ भदौ, काठमाडौं । काठमाडौंमा कोरोना संक्रमित वृद्धको मृत्यु भएको छ । जावलाखेलस्थित अल्का अस्पतालमा उपचाररत ६७ वर्षीय संक्रमित वृद्धको मंगबार बेलुकी मृत्यु भएको हो ।

काठमाडौं विशालनगरका उनलाई मंगलबार बिहान अस्पताल भर्ना गरिएको थियो। स्वास्थ्य अवस्था जटिल भएका उनलाई भेन्टिलेटरमा राखेर उपचार गर्दा पनि बचाउन नसकिएको अस्पतालले जनाएको छ ।

मधुमेह, रक्तचापबाट पीडित रहेका उनलाई मंगलबार मात्रै कोरोना पुष्टि भएको हो । उनको शव नेपाली सेनाले व्यवस्थापन गर्नेछ ।