ओली–प्रचण्ड वार्तामा स्थायी कमिटी बैठकका एजेन्डा ‘सेट’

२४ भदौ, काठमाडौं । महिनादिनदेखि रोकिएको नेकपा स्थायी कमिटी बैठकका एजेन्डा तय भएका छन् । प्रधानमन्त्री एवम् नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डले बालुवाटारमा पर्सी बस्ने स्थायी कमिटी बैठकका लागि एजेण्डा तय गरेका हुन् ।

एजेन्डा के के हुन् ? भन्ने खुलाइएको छैन् । तर दुई अध्यक्षबीचको छलफलले पर्सी बस्ने स्थायी कमिटी बैठक सहज रुपमै सुचारु हुने सम्भावना बढेको छ । यसअघि पटक पटक बोलाइएको स्थायी कमिटी बैठक अन्तिम समयमा दुई अध्यक्षबीच कुरा नमिल्दा स्थगित हुने गरेको थियो ।