धनुषामा औरहीका वृद्धको कोरोनाले मृत्यु

२५ भदौ, जनकपुर । कोरोना भाइरसको संक्रमणबाट धनुषको औरही गाउँपालिका १ पुरनदैयाका ६० बर्षीय रामपरीक्षण सहनीको मृत्यु भएको छ । श्वासप्रश्वासमा समस्या देखिएपछि मंगलबार जनकपुर प्रादेशिक अस्पतालमा उपचारका लागि भर्ना भएका उनको कोरोनाले मृत्यु भएको हो ।

मृत्युपछि स्वाब संकलन गरिएको थियो । बुधबार साँझ उनको कोरोना भाइरसको रिर्पोट पोजिटिभ आएपछि कोरोनाकै कारण मृत्यु भएको पुष्टि भएको हो । मृतक सहनीलाई बिहीबार नेपाली सेनाको टिमले जमुनी नदीको किनारमा शव व्यवस्थापन गरेको छ । यससँगै धनुषामा कोरोनाबाट मृत्यु हुनेको संख्या १३ पुगेको छ ।