काठमाडौं उपत्यका बाहिर जान थप कडाई

२५ भदौ, काठमाडौं । कोरोना संक्रमणको जोखिम बढेका बेला जिल्ला प्रशासन कार्यालय काठमाडौंले उपत्यका आवतजावतमा थप कडाई गरेको छ । कोरोना जोखिम नियन्त्रणभन्दा बाहिर जाने खतरा रहेकाले अति आवश्यक बाहेक उपत्यका बाहिर जान प्रशासनले कडाई गरेको हो ।

दाहसंस्कार, कर्मचारी सरुवा बाहेक अरु कामका लागि जान नपाईने पनि प्रशासनले पत्रमा उल्लेख गरेको छ । जिल्ला प्रशासन कार्यालय काठमाडौंले बिहीबार सूचना जारी गर्दै बाहिर जानुपर्ने कारणसहितको तोकिएको निवेदन, कामको प्रयोजन खुल्ने कागजात साथै गन्तव्यमा जाने जिल्ला र स्थानीय तहको सिफारिस अनिवार्य पेश गर्नुपर्ने भनेको छ ।

साथै तोकिएका अत्यावाश्यक कार्यबाहेक काठमाडौँ जिल्ला बाहिर आवतजावत गर्न सवारी सहजीकरण नगरिने पनि जिल्ला प्रशासन कार्यालय काठमाडौंले जनाएको छ ।