सरकारी अस्पतालमै भर्ना नपाएर गर्भवतीको ज्यान गयो

२६ भदौ, विराटनगर । विराटनगर महानगरपालिका ६ की ३० वर्षीया गर्भवती विमला ऋषिदेवको मृत्यु भएको छ । बुधबार राति करिब १ बजेतिर कोशी अस्पताल पुर्याएपनि अस्पतालले भर्ना नलिदा उनको मृत्यु भएको हो ।

यसअघि २ पटक शल्यक्रियाबाट बच्चा जन्माएकाले तेस्रो बच्चालाई शल्यक्रियामार्फत जन्माउन नसकिने भन्दै डाक्टरले फर्काएका हुन् । अस्पतालले फर्काएपनि निजी अस्पताल लैजाने पैसा नहुँदा उनको ज्यान गएको भनिएको छ ।

अस्पतालका मेडिकल सुपरिटेन्डेन डा. चुमनलाल दासले त्यसरी गर्भवती महिलालाई अस्पतालबाट फर्काउने चिकित्सकलाई कारवाही गर्ने बताएका छन् ।