काठमाडौं उपत्यकामा ६९६ जनामा संक्रमण पुष्टि

२६ भदौ, काठमाडौं । उपत्यकामा शुक्रबार ६९६ जनालाई कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौं उपत्यकामा पछिल्लो चौबिस घण्टामा ६९६ जनालाई कोरोना संक्रमण पुष्टि भएको हो ।

संक्रमित हुनेमा सबैभन्दा धेरै काठमाडौंमा ६२० जना छन् । त्यस्तै ललितपुरमा ३८ र भक्तपुरमा ३८ जनामा संक्रमण पुष्टि भएको छ । पछिल्लो २४ घण्टामा देशभर १४ सय ५४ जनामा कोरोना भाइरस संक्रमण पुष्टि भएको छ ।