काठमाडौंमा घरबेटीको कुटाईबाट डेरावालको मृत्यु

२६ भदौ, काठमाडौं । काठमाडौं उपत्यकामा घरभेटीको कुटाईबाट एक जना डेरावालको मृत्यु भएको छ । कीर्तिपुर नगरपालिका ७ बस्ने ६६ वर्षीय प्रेमलाल महर्जनको कुटाईबाट आफ्नै घरमा डेरामा बसेका बारा कलैयाका ४८ वर्षीय शम्भु चौधरीको मृत्यु भएको हो ।

महर्जनले काठको भाटाले हिर्काउँदा शम्भु गम्भीर घाइते भएको थिए । गम्भिर घाइते उनको उपचारकै क्रममा किर्तिपुर अस्पतालमा मृत्यु भएको प्रहरीले जनाएको छ । महर्जनको डेरा सारेर अन्तै बसेका उनलाई रक्सीले मातेको अवस्थामा खोजी खोजी कुटेर हत्या गरेको प्रहरीको भनाई छ । महर्जनलाई पक्राउ गरी प्रहरीले थप अनुसन्धान अगाडी बढाएको छ ।