चितवनमा ३ जनाको मृत्यु, रिर्पोट आउन बाँकी !

२६ भदौ, चितवन । चितवनको भरतपुर अस्पतालमा तीन जनाको मृत्यु भएको छ । मृत्यु हुनेमा दुई महिला र एक पुरुष छन् । कोरोनासँग मिल्दोजुल्दो लक्षण भएका तीन जनाको बिहीबार र शुक्रबार मृत्यु भएको हो ।

मृत्यु हुने दुई जना भने आईसीयुमा रहेका बिरामी हुन् । राप्ती नगरपालिका वडा नम्बर ४ की १८ वर्षीय किशोरीको शुक्रबार मृत्यु भएको हो । रत्ननगर नगरपालिकाका ४० वर्षीय पुरुषको बिहीबार राति मृत्यु भएको थियो ।

बिहीबार दिउँसो आईसीयू कक्षमै खैरहनी नगरपालिकाकी २२ वर्षीया युवतीको पनि उपचारको क्रममा मृत्यु भएको थियो । तीन जनाको श्वासप्रश्वासमा समस्या देखिएपछि अवस्था जटिल हुँदैँ मृत्यु भएको हो ।

तर अहिलेसम्म कोरोना रिर्पोट आइसकेको छैन् ।