कोरोनाले शुक्रबार ८ जनाको मृत्यु भएको पुष्टि

२६ भदौ, काठमाडौं । कोरोना भाइरसको संक्रमणबाट ८ जनाको मृत्यु भएको पुष्टि भएको छ । चितवनका दुई जना र काठमाडौं, नवलपरासी, महोत्तरी, रुपन्देही, मोरङ र सुनसरीका एक एक जनाको मृत्यु भएको हो । पुरानो मेडिकल कलेजमा उपचारका क्रममा बुधबार मृत्यु भएकी रत्ननगर नगरपालिका २, चितवनकी ७८ बर्षीया महिलामा कोरोना संक्रमण पुष्टि भएको हो ।

राप्ती नगरपालिका-५, चितवनका ६१ बर्षीय पुरुषको भरतपुर अस्पतालमा मृत्यु भएको छ । भदौ २४ गते कोरोना संक्रमण भएका उनलाई उच्च ज्वरो, खोकी र श्वासप्रश्वासमा समस्या भएपछि २५ गते अस्पताल भर्ना भएका थिए ।

यस्तै काठमाडौं महानगरपालिका ५ कालोपुल, काठमाडौंका ७० बर्षीय पुरुषको पाटन अस्पतालमा शुक्रबार मृत्यु भएको छ । यस्तै सुस्ता गाउँपालिका ५, नवलपरासीका ५५ बर्षीय पुरुषको कोरोना विशेष अस्पताल, बुटवलमा शुक्रबार मृत्यु भएको हो ।

यस्तै मनरा सिस्वा नगरपालिका(१, महोत्तरीका ६५ बर्षीय पुरुषको शुक्रबार प्रादेशिक अस्पताल जनकपुरधाममा मृत्यु भएको छ । ज्वरो आउनुका साथै श्वास फेर्न समस्या भएपछि भदौ १९ गते अस्पतालमा भर्ना भएका उनलाई दुई दिनपछि कोरोना सक्रमण भएको पुष्टि भएको थियो ।

यस्तै देवदह नगरपालिका ६, रुपन्देहीका ६० बर्षीय पुरुषको शुक्रबार प्रादेशिक अस्पतालमा मृत्यु भएको छ । ज्वरो, खोकी र श्वास प्रश्वासको समस्या भएपछि अस्पताल पुगेका उनलाई कोरोना संक्रमण पुष्टि भएको थियो ।

यस्तै मोरङकी ७० बर्षीया महिलाको विराटनगरको कोशी अस्पताल कोभिड १९ उपचार केन्ऽमा शुक्रबार मृत्यु भएको छ । बिहीबार संक्रमण पुष्टि भएकको उनलाई ज्वरो आउनुका साथै सास फेर्न गाह्रो भएपछि राति नै अस्पताल भर्ना गरिएको थियो ।

यस्तै रामधुनी नगरपालिका(५, सुनसरीका ४३ बर्षीय पुरुषको वीपी कोइराला स्वास्थ्य विज्ञान प्रतिष्ठान धरानमा मृत्यु भएको छ ।