बाह्रबिसे पहिरो : मृत्यु हुनेको संख्या ३ पुग्यो

२८ भदौ, काठमाडौं । सिन्धुपाल्चोकको बाह्रबिसे नगरपालिका–७ का का विभिन्न ठाउँमा गएको पहिरोमा परेर मृत्यु हुनेको संख्या ३ पुगेको छ । अझै २८ जना बेपत्ता छन् ।

अहिलेसम्म तीन जनाको शव भेटिएको छ । नागपुजेकी ६५ वर्षीया भक्तिमाया श्रेष्ठ, भिरखर्कको विश्वकर्मा टोलकी २३ वर्षीया जुनुमाया विक र नेवार टोलकी ६० वर्षीया सर्किनी नेवारको शव फेला परेको प्रहरीले जनाएको छ ।

गएराति भारी वर्षासँगै गएको पहिरोले बाह्रबिसे नगरपालिका–७ मा पर्ने घुम्थाङको नागपुजे, भिरखर्क र नेवार टोलमा घरहरु पुरेको छ । घटनास्थलमा नेपाली सेना, सशस्त्र प्रहरी र नेपाल प्रहरीको टोली उद्धारमा खटिएका छन् ।