मंगलबार , असोज १३, २०७७

लज्जाको पराकाष्ठा अख्तियारका निर्वतमान प्रमुख आयुक्त नवीन घिमिरे

लज्जाको पराकाष्ठा अख्तियारका निर्वतमान प्रमुख आयुक्त नवीन घिमिरे

२८ भदौ, काठमाडौं । मौलाउँदो भ्रष्टाचार न्यून गर्न प्रभावकारी ठानिएको अख्तियार दुरुपयोग अनुसन्धान आयोगको नेतृत्व कसले गर्छ, त्यसका धेरै निर्भर हुने पक्षको खुलासा एकपटक फेरि तीतो यथार्थ बन्न पुगेको छ । प्रशासनिक क्षेत्रमा कार्यरत रहँदा स्वच्छ छवि बनाएको भनिएका नवीनकुमार घिमिरे अख्तियारको प्रमुख पदमा रहँदा सो निकायको गरिमा नै धुलीसात पार्ने कारक सावित भए ।

६ वर्षे कार्यकाल पूरा गरी उनी आजबाट घर फर्कंदैछन् । सँगसँगै अख्तियारलाई “सानालाई ऐन र ठूलालाई चैन” भन्ने उखानसमेत चरितार्थ गर्न उनी सफल सावित भएका छन् । लोकमानसिंह कार्की प्रमुख आयुक्त हुँदा सँगै तत्कालिन एमालेको कोटामा अख्तियार पुगेका घिमिरेले आफ्नो बहिर्गमनका बेला उनै कार्कीले स्थापना गरेको मूल्यमान्यतालाई चरितार्थ गरिदिए ।

दुई वर्ष प्रमुख आयुक्तकै भूमिकामा रहेका उनले सधैं साना माछालाई जालोमा पार्ने काम गरे, तर ठूला माछासँग भने सरोकारै राखेनन् । पछिल्ला दिनमा उनले केही शाखा अधिकृत र उपसचिवसम्मका कर्मचारीलाई कारवाहीको दायरामा ल्याए । नभए उनले कारवाही चलाएका अधिकांश कर्मचारी खरदार सुब्बा तहकै धेरै छन् ।  तिनै मध्येका एकजना कलंकी मालपोतका खरिदार रामहरि सुवेदीलाई घिमिरेले एक हजार रुपैयाँ घूस खाएको आरोपमा मुद्धा चलाए । यसैक्रममा सुवेदीले ग्लानी र हिनतावोधका कारण आत्महत्या नै गरे । पछि उनलाई विशेष अदालतले सफाई दियो, तर आत्महत्या गर्न बाध्य पार्ने घिमिरे त्यसैमा गर्व गर्थे ।

कार्यकाल समाप्तिकै क्रममा उनले धेरै ठूला मुद्धा तामेलीमा राख्ने निर्णय गरेर दोस्रो लोकमानको परिचय दिने प्रयास गरेका छन् । धरैले असल र निडर भन्ने उनको चरित्र र स्वभाव पछिल्ला निर्णयबाट ध्वस्त भएको टिप्पणी गर्न थालेका छन् । सामान्य मानिसले समेत अनुभव गर्न सक्नेखालका भ्रष्टाचारका काण्डलाई घिमिरेले अनुसन्धान नै गर्न चाहेनन् । गर्दापनि ठूला माछालाई नै बल पुग्ने गरी निर्णय गरिदिए ।
कार्यकाल समाप्त हुनु एकदिन अघि मात्रै उनले नेपालको इतिहासमा सर्वाधिक चर्चित आयल निगम जग्गा खरिद प्रकरणलाई तामेलीमा पठाउने निर्णय गरे ।

पेट्रोलियम भण्डारणका निम्ति भन्दै निगमले देशैभरि जग्गा खरिद गर्दा चलनचल्तीको मूल्यभन्दा १७ गुणा बढीसम्मको मूल्य तिरेर खरिद गरेको यथेष्ट प्रमाण हुँदाहुँदै नवीनले तामेलीमा पठाइदिएका हुन् । यसैबाट उनको कार्यक्षमता र योग्यता प्रमाणित भएको धेरैको ठम्याई छ ।प्रधानमन्त्री केपी ओलीका प्रियपात्रका रुपमा चिनिएका घिमिरे पदमै रहँदासमेत प्राय ओलीलाई भेट्न बालुवाटार छिर्ने गर्थे । ओलीकै दवावमा उनले झण्डै अर्का नेता माधवकुमार नेपाललाई बालुवाटार जग्गा प्रकरणमा मुद्धा चलाउने तयारी गरेका थिए । तर अन्तिममा आएर उनीमाथि पार्टी भित्रबाटै ठूलो दवाव आएकाले रोकिएको चर्चा हुने गरेको छ । सोही काण्डमा घिमिरेले ओली निकट विष्णु पौडेललाईसमेत उन्मुक्ति दिएका थिए ।

कोरोना महामारीका बेलापनि भ्रष्टाचार र अनियमिततामा फसेको ओली सरकारलाई जोगाउन प्रमुख आयुक्त घिमिरेले यति निर्लज्ज र घटिया व्यवहार देखाए जो अख्तियारकै लागि लज्जाको विषय बनेको छ । ओम्नी समूहका नाममा भएको औषधि खरिद प्रकरण हाकाहाकी भ्रष्टाचार भएको काण्ड हो । त्यसबारे नागरिक समाज र मिडियाले सप्रमाण समाचार सम्प्रेषण गरे । सामाजिक सञ्चाल त पूरै ओम्नीमय भएको थियो । एक अर्ब २५ करोड घोटाला गरेको लिष्टसहित प्रमाण सार्वजनिक भएका थिए । तर घिमिरे नेतृत्वको अख्तियारले यसबारे छानविन गर्नसमेत आवश्यक ठानेन ।

यसैगरी, यति होल्डिङ्सलाई नेपाल ट्रष्टको जग्गा कौडीको भाउमा दिँदापनि अख्तियारको आँखा पर्न सकेन ।  यस्तै, ३३ अर्ब रुपैयाँको विद्युतीय रेलमार्ग ठेक्का प्रकरणमासमेत अख्तियारले गरी खान दिएको “गो अहेड”को चिट अहिले चर्चाको शिखरमा छ । यी सबै प्रकरणमा छानविन नै नगर्ने अनौठो निर्णय घिमिरे नेतृत्वको अख्तियारले ग¥यो ।

ओलीप्रतिको उनको निष्ठा र वफादारी त्यतिखेर छर्लङ्ग भयो जब सेक्युरिटी प्रेस खरिद प्रकरणमा ७० करोड मोलमोलाई गर्ने पूर्व सञ्चार तथा सूचना प्रविधिमन्त्री गोकुलप्रसाद बाँस्कोटाको केसपनि तामेलीमा राख्ने तारतम्य मिलाए । ओलीका धर्मपुत्रका रुपमा चिनिने बाँस्कोटाले मोलमोलाई गरेको रेकर्ड छ, त्यसलाई पुष्टी गर्ने आरोपी विजयप्रकाश मिश्र छन्, उनलाई बुझ्दै नबुझी एकपक्षीय रुपमा तामेलीमा राख्ने गज्जबको निर्णय उनले गराए । साथै, बाँस्कोटामाथिको आरोप पुष्टी नहुने आधारसमेत आफैं खडा गरिदिए ।

समग्रमा भन्नुपर्दा अख्तियार दुरुपयोग अनुसन्धान आयोगको गरिमा र ओज जोगाउने वा अभिवृद्धि गर्नेमा भन्दा विश्वास धर्मराउने अवस्थामा घिमिरेको कार्यकाल उपयोगी बन्यो । स्वतन्त्र, निष्पक्ष र निर्भिक हुने अख्तियारको चरित्र घिमिरेका पालामा विलुप्त भएको छ । अख्तियारमा ओली सरकारको प्रष्ट छायाँ परेको अनुभूति गरियो । प्रमुख आयुक्तलाई निवासमै बोलाएर निर्देशन दिने ओलीको शैली र प्रवृत्तिलाई घिमिरेले लालमोहर लगाइदिए ।

घिमिरेको ठाउँमा तत्कालै कसैलाई ल्याउने तारतम्य बनिनसकेकाले हाललाई आयोगकै वरिष्ठ आयुक्त डा.गणेशराज जोशीलाई कार्यवाहक दिने तयारी छ । त्यो पनि प्रचण्डको विशेष सिफारिसमा । तर नेकपा भित्रको भागबण्डामा उक्त पदमा फेरि पनि ओलीले आफ्नै हनुमान ल्याउने लगभग निश्चितै छ । भोलि आउने नयाँ प्रमुख आयुक्तपनि कानै चिरिएको जोगी हुनेमा कुनै आशंका छैन । नवीन घिमिरेले बसाएको शैली र प्रवृत्ति आउने दिन अझै बलियो बन्ने छ । “सानालाई ऐन, ठूलालाई चैन” भन्ने उखान त्यसै बनेको होइन ।

प्रतिक्रिया

पढ्न लाग्ने समय : 0 मिनेट

सम्बन्धित समाचार

नेपालबहस ट्रेन्डिङ

लोकप्रिय

आज २०७७ असोज १३ गते मंगलबारको राशिफल आज २०७७ असोज १३ गते मंगलबारको राशिफल १० घण्टा पहिले
इरानमा कोरोना महामारीको तेस्रो चरण शुरु, ३२ प्रान्त खतरापूर्ण क्षेत्र घोषित इरानमा कोरोना महामारीको तेस्रो चरण शुरु, ३२ प्रान्त खतरापूर्ण क्षेत्र घोषित २१ घण्टा पहिले
नेटवर्किङमा संलग्न २५ कम्पनी र ५० जना पक्राउ गर्न सिआइबीलाई पत्र नेटवर्किङमा संलग्न २५ कम्पनी र ५० जना पक्राउ गर्न सिआइबीलाई पत्र १९ घण्टा पहिले
राक्षसी बाबु : जसले १० बर्षदेखि आमाकै अगाडी छोरीलाई बलात्कार गरिरहे ! राक्षसी बाबु : जसले १० बर्षदेखि आमाकै अगाडी छोरीलाई बलात्कार गरिरहे ! २३ घण्टा पहिले
प्रदेश प्रहरी प्रमुख अर्याल संक्रमण मुक्त प्रदेश प्रहरी प्रमुख अर्याल संक्रमण मुक्त २२ घण्टा पहिले
कैदीबन्दीमा संक्रमण देखिएपछि कारागारभित्रै आइसोलेसन कैदीबन्दीमा संक्रमण देखिएपछि कारागारभित्रै आइसोलेसन २२ घण्टा पहिले
सहकारीको करोडौं ठगीका दोषी अग्रवाल नक्कली नम्बर प्लेटका गाडीसहित पक्राउ सहकारीको करोडौं ठगीका दोषी अग्रवाल नक्कली नम्बर प्लेटका गाडीसहित पक्राउ २१ घण्टा पहिले
भारतमा ५० लाखभन्दा बढी कोरोना संक्रमित निको भारतमा ५० लाखभन्दा बढी कोरोना संक्रमित निको २१ घण्टा पहिले
नेपाल लाईफमा बीमा गर्न पूर्व हेर्नेपर्ने तथ्य, अर्बौको दावी भुक्तानी हुन बाँकी नेपाल लाईफमा बीमा गर्न पूर्व हेर्नेपर्ने तथ्य, अर्बौको दावी भुक्तानी हुन बाँकी ४ हप्ता पहिले
स्वास्थ्य सामाग्री सप्लाईमा अर्को ओम्नीको जन्म ! विध ल्यावको पीसीआर परीक्षण नै शंकास्पद ? स्वास्थ्य सामाग्री सप्लाईमा अर्को ओम्नीको जन्म ! विध ल्यावको पीसीआर परीक्षण नै शंकास्पद ? २ हप्ता पहिले
आयल निगममा १८ अर्ब झ्वाम पार्ने डरलाग्दो सेटिङ, माफियाहरु सक्रिय आयल निगममा १८ अर्ब झ्वाम पार्ने डरलाग्दो सेटिङ, माफियाहरु सक्रिय २ हप्ता पहिले
पोखरा महानगरपालिकामा करोडौं भ्रष्टाचार, घुस खाने मेयर जिसी, दोष कर्मचारीलाई ! पोखरा महानगरपालिकामा करोडौं भ्रष्टाचार, घुस खाने मेयर जिसी, दोष कर्मचारीलाई ! ३ हप्ता पहिले
सरुवा भएर जाने बेला मृत भेटिए सई ध्रुव रावल सरुवा भएर जाने बेला मृत भेटिए सई ध्रुव रावल ४ दिन पहिले
बजारमा बुलिस संकेत आउँदा, हाईड्रोपावरका शेयरधनीले के कुरामा विशेष ध्यान दिनुपर्ने हुन्छ ? बजारमा बुलिस संकेत आउँदा, हाईड्रोपावरका शेयरधनीले के कुरामा विशेष ध्यान दिनुपर्ने हुन्छ ? २ हप्ता पहिले
के बजार प्रतिरोध क्षेत्रमा छ ? के बजार प्रतिरोध क्षेत्रमा छ ? २ हप्ता पहिले
वडाध्यक्ष अधिकारीले घटना गुपचुप पार्न खोजेपछि श्रीमती क्रियाकाजमा बसेर न्याय माग्दै वडाध्यक्ष अधिकारीले घटना गुपचुप पार्न खोजेपछि श्रीमती क्रियाकाजमा बसेर न्याय माग्दै २ हप्ता पहिले