अख्तियारकाे प्रमुख आयुक्तमा जोशी, आयुक्त बन्न नेताको दैलोमा दौडधुप !
नेपालबहस संवाददाता
भदौ २८, २०७७ आइतबार २१:७:३
२८ भदौ, काठमाडौं । अख्तियार दुरुपयोग अनुसन्धान आयोगका प्रमुख आयुक्त नवीन घिमिरे आज बिदा हुदैछन् । अनिवार्य अवकाशका कारण घिमिरे प्रमुख आयुक्तका रूपमा झण्डै दुई बर्षको कार्यकाल बिताएर बिदा हुन लागेका हुन् । उनको बिदाईमा आज अख्तियार कार्यालय टंगालमा विशेष सभाको आयोजना गरिएको छ ।
आफ्नो कार्यकालमा घिमिरे बढी विवादमा परे । उनले घुस खाने कसैलाई पनि नछाडेको दावी गरे । तर ठूला भ्रष्टाचार काण्डमा मुछिएका कसैलाई पनि अनुसन्धानमा तानेनन् । ०७५ असोज ४ मा गते अख्तियार प्रमुखमा नियुक्त भएका उनी २३ महिने कार्यकाल पूरा गरेर आइतबार बिदा हुन लागेका हुन् ।
उनको कार्यकालमा बालुवाटार जग्गा काण्ड, स्वास्थ्य सामग्री खरिद प्रकरणमा भएको ओम्नी काण्ड, तत्कालिन सञ्चारमन्त्री गोकूल बाँस्कोटालाई राजीनामा दिन बाध्य पार्ने सेक्युरिटी प्रेस खरिद प्रकरण लगायतका थुप्रै फाइलमाथि अख्तियारले दृष्टि राखेन । बरु सत्ताकै चाकरी गर्न ठूला भ्रष्टाचारकाण्डका फाइल तामेलीमा राखेर थप आलोचित भयो ।
आयुक्त बन्न नेताहरुको दैलोमा !
प्रमुख आयुक्त अख्तियारबाट बिदा हुन लागेसँगै अहिले रिक्त रहेकाे आयुक्तका लागि चर्को लबिङ चलिरहेको छ । आयुक्त बनाई दिन भन्दै प्रधानमन्त्री केपी ओली, नेकपा अध्यक्ष पुष्पकमल दाहाल ‘प्रचण्ड’ र काग्रेस सभापति शेरबहादुर देउवाको ढोकामा लबिङ गर्नेको संख्या बढ्दो छ ।
अख्तियारमा अहिले डा. सावित्री थापा गुरुङ र डा. गणेशराज जोशी मात्र छन् । घिमिरेपछि गुरुङ र जोशीमात्रै अख्तियारमा हुनेछन् । अरु तीन आयुक्तको सीट भने खाली छ ।
तीन जना आयुक्तका लागि झण्डै ६ जनाको लबिङ चर्को छ । खासगरी प्रधानमन्त्री ओलीको कोटाबाट नियुक्त गर्न माग गर्दै पूर्वगृहसचिव प्रेमकुमार राई र पूर्वआईजीपी सर्वेन्द्र खनाल चर्को लबिङमा छन् । प्रधानमन्त्री ओलीले दुई मध्ये एक जनालाई आयुक्तमा सिफारिस गर्ने सम्भावना रहेको स्रोत बताउँछ ।
यस्तै आयुक्तको दौडमा पूर्वएआईजी जयबहादुर चन्द र राष्ट्रिय अनुसन्धान विभागका पूर्वप्रमुख दीलिपकुमार रेग्मी पनि छन् । चन्दलाई सरकारले आईजीपीमै नियुक्त गरेपनि उनले शपथ खान पाएनन् । तत्कालिन प्रधानमन्त्री पुष्पकमल दाहाल ‘प्रचण्ड’ नेतृत्वको सरकारले चन्दलाई नेपाल प्रहरीको महानिरीक्षकमा नियुक्त गरेको थियो ।
तर नियुक्त गरेको केही घण्टामै आईजीपी दौडमा रहेका डीआईजी नवराज सिलवालले सर्वोच्चमा नियुक्त बदर गर्न माग गर्दै रिट हाले । सो रिटमा सुनुवाई गर्दै सर्वोच्चले सरकारको निर्णय कार्यान्वयनमा रोक लगायो ।
कार्यसम्पादन मूल्यांकनमा किर्ते गरेकाे आराेप लागेका सिलवालको चलखेलले तत्कालिन प्रधानन्यायाधीश शुशिला कार्कीलाई समेत विवादमा तानेको थियो । पछि कांग्रेस सभापति शेरबहादुर देउवा नेतृत्वको सरकारले चन्द र सिलवाल दुवैलाई पन्छाएर प्रकाश अर्याललाई आईजीपी नियुक्त गरेको थियो ।
त्यतिबेला कांग्रेस निकटका चन्दलाई आईजीपी बनाउन नसकेका देउवा अहिले आयुक्त बनाउने योजनामा छन् । अरु थप दबाब र विवाद भएन भने देउवाले कांग्रेस कोटाबाट चन्दलाई सिफारिस गर्ने सम्भावना छ । यद्यपि रेग्मीको सम्भावना पनि उत्तिकै रहेको स्रोतको भनाई छ ।
प्रचण्डको सिफारिसमा गुरुङ प्रमुख आयुक्त बन्दै
अख्तियार प्रमुखमा अहिले कार्यरत रहेका दुईमध्ये एकजना प्रमुख आयुक्त नियुक्त हुदैछन् । मन्त्रिपरिषद बैठकले दुई जनामध्ये एक जनालाई प्रमुख आयुक्तमा सिफारिस गरेपछि राष्ट्रपति विद्यादेवी भण्डारीले नियुक्त गर्ने संवैधानिक व्यवस्था छ ।
नेकपाका अध्यक्ष पुष्पकमल दाहाल प्रचण्डको सिफारिसमा जोशीलाई नियुक्त गर्ने तयारी बालुवाटार र शीतलनिवासको छ । प्रधानमन्त्री पद जोगाउन निर्णायक भूमिकामा रहेर सहमति गरेका प्रचण्डलाई संवैधानिक आयोगको नियुक्तमा विशेष स्थान दिने ओलीको वचन रहेको चर्चा छ ।
सोही अनुसार पनि यसपटक अख्तियारको प्रमुख आयुक्तमा प्रचण्डकै सिफारिस अनुसार जोशीलाई नियुक्त गर्ने तयारी बढेको हो । तर जोशी उमेर हदका कारण आगामी चैतसम्म मात्रै अख्तियारकाे प्रमुख आयुक्तमा बहाल रहन पाउनेछन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
भारतले रोक्यो नेपाली चियाको निर्यात
बैशाख ७, २०८१ शुक्रबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार