शिक्षण अस्पतालमा ४ संक्रमित वृद्धको मृत्यु

२८ भदौ, काठमाडौं । त्रिवि शिक्षण अस्पतालमा थप चार जना कोरोना संक्रमितको मृत्यु भएको छ । पछिल्लो चौबिस घण्टामा ४ जना संक्रमितको मृत्यु भएको अस्पतालले जनाएको छ । कोरोनाबाट ज्यान गुमाउनेमा काठमाडौंका तीन जना र सिन्धुपाल्चोकका एक जना पुरुष छन ।

मृत्यु हुने काठमाडौंका ५९, ६४ र ७० वर्षीय पुरुष हुन् । यस्तै सिन्धुपाल्चोकका ५९ वर्षीय पुरुष हुन् । बिरामी भएर अस्पताल पुगेपछि उनीहरुमा कोरोना संक्रमण पुष्टि भएको थियो ।