नेप्सेको सिस्टमले आज पनि दियो धोका , कारोबार ५ः१५ सम्म खुल्ने

२८ भदौ, काठमाडौं । पटक–पटक शेयर  लगानीकर्तालाई धोका  दिँदै आएको नेपाल स्टक एक्सचेन्ज (नेप्से)को कारोबार व्यवस्थापन प्रणाली (टीएमएस) मा आजपनि समस्या आएकाे छ । कारोबार खुलेको केही समय पछि नै टीएमएसमा अर्डर राख्न नमिल्ने तथा राखिएको अर्डर रद्द गर्न नमिल्ने जस्ता समस्या देखिएको थियो ।

टीएमएसमा यसअघि पनि समस्या देखिएको थियो । समस्या देखिएपछि नेप्सेले शेयर कारोबार रोक्का गरेको जानकारी गराएको थियो । उक्त समस्या समाधानका लागि प्रयासरत रहेको सुचना दिने क्रम जारी छ ।

आज टीएमएसमा देखिएको समस्या समाधान भएको भन्दै पुनः अर्को सुचना दिँदै नेप्सेले २ः१५ देखि शेयर कारोबार सुचारु हुने जनाएको थियो । आज पनि ५ः१५ सम्म कारोबार खुल्ला रहने नेप्सेले जानकारी दिएको छ ।