नोभरामाथि युभेन्ट्सको फराकिलो जित

२८ भदौ, एजेन्सी । मैत्रीपूर्ण खेलमा युभेन्ट्सले नोभरालाई हराएको छ । आईतबार दिउँसो भएको खेलमा युभेन्ट्सले नोभारालाई ५–० गोल अन्तरले हराएको हो ।

ईटालीको तेस्रो डिभिजनको क्लब नोभारालाई हराउन रोनाल्डोले पहिलो गोल गरेका थिए । खेलको २० औं मिनेटमा रोनाल्डोले युभेन्ट्सलाई अग्रता दिलाएका थिए ।

यस्तै मेरिह डेमिरल, मार्को पजाकाले एक एक र मनोलो पोर्टानोवाले दुई गोल गरे । सिरी च्याम्पियन युभेन्ट्स यस सिजन थप बलियो बनेको छ ।