कर्णालीमा थप ४९ जनामा कोरोना संक्रमण

२९ भदौ, सुर्खेत । कर्णाली प्रदेशमा सोमबार थप ४९ जनामा कोरोना भाइरसको संक्रमण पुष्टि भएको छ । सुर्खेत र दैलेख अस्पताल प्रयोगशालामा गरिएको पीसीआर परीक्षणमा आज जनप्रतिनिधि र सुरक्षाकर्मीसहित ४९ जनामा संक्रमण पुष्टि भएको हो ।

प्रदेश अस्पतालरपशुपन्छी रोग अन्वेषण प्रयोगशालामा गरिएको परीक्षणमा सुर्खेतका एकजना सुरक्षाकर्मी, एकजना स्वास्थ्यकर्मी, दुईजना जनप्रतिनिधि, तीनजना बैंकका कर्मचारी, एकजना निर्माण व्यवसायी र दुईजना भारतीय आर्मीमा संक्रमण पुष्टि भएको हो ।

नयाँ संक्रमितमध्ये वीरेन्द्रनगरका २१ जनासहित सुर्खेतका मात्रै थप ३९ जनामा संक्रमण छन् । दैलेखका सातजना, जाजरकोटका दुईजना र कालीकोटका एकजनामा संक्रमण पुष्टि भएको सामाजिक विकास मन्त्रालय स्वास्थ्य सेवा महाशाखाले जनाएको छ । योसँगै प्रदेशभर कोरोना संक्रमितको संख्या २८३५ पुगेको छ ।

महाशाखाको पछिल्लो तथ्याङ्कअनुसार सोमबार प्रदेशमा थप २६ जना कोरोनामुक्त भएका छन् । प्रदेशमा हालसम्म कोरोनाको संक्रमणबाट मुक्त हुनेको संख्या २५३१ पुगेको छ ।