कोरोना बीमा पोलिसी सर्वसाधारणलाई ठग्ने धन्दा बन्दै
नेपालबहस संवाददाता
भदौ ३०, २०७७ बुधबार ०:५१:१७
३० भदौ, काठमाडौं । बीमा कम्पनीको नियामक निकाय बीमा समितिले कोरोना बीमालेख र बीमा मापदण्डमा हालै गरेको फेरबदलले व्यापक अन्योल बढाएको छ । जसले गर्दा सर्वसाधारण ठगिने क्रम तीव्र हुन थालेको छ ।
सुरुमा एउटा नीति जारी गर्ने अनि पछि अनुकुलको परिमार्जन गर्ने प्रवृत्तिले कोरोना बीमा सर्वसाधरणका लागि अभिशापसिद्ध भएको हाे । यस अवधिमा कोरोना संक्रमण पुष्टि भएका सर्वसाधारणले बीमा रकम पाउन सकेका छैनन् । बीमक कम्पनीहरु विभिन्न बहाना बनाएर सर्वसाधरणलाई निरुत्साहित बनाउन उद्यत् छन् ।
बीमा समितिकै लापरवाही र गैरजिम्मेवार नीतिले गर्दा यस्तो समस्या आएको सरोकारवालाहरुको आरोप छ । कोरोना संक्रमण सुरु भएपछि ल्याइएको बीमालेख अन्तर्गतको पोलिसी धेरै विक्री भएको छ, तर समिति र कम्पनीहरुले थपिदिएको झण्झटिलो कार्यविधिले सर्वसाधारणले समयमै दावी भुक्तानी पाएका छैनन् ।
हालसम्म कुल १९ वटा निर्जीवन बीमा कम्पनीहरुले करिब ७० करोड रुपैयाँ बराबरको बीमालेख विक्री गरिसकेका छन् । त्यसमध्ये करिब पाँच करोड बराबरको बीमा रकम दाबी गरिएको छ । तर बीमा कम्पनीले विभिन्न बहाना बनाएर सर्वसाधारणलाई भुक्तानी दिएका छैनन् । यस्तो समस्या समितिले जारी गरेको मापदण्डमा स्वास्थ्य मन्त्रालय अन्तर्गतका निकाय भन्ने शव्दले खडा गरेको भन्दै परिमार्जनका लागि सुझाव समिति गठन भएको थियो । खासगरी निजी क्षेत्रका ल्याबहरुले गर्ने परीक्षण र नतिजालाई मान्यता दिने सन्दर्भमा विवाद भएको थियो ।
करिब नौ लाख नेपालीले काेराेना बीमा गरिसकेको अवस्थामा थप अन्योल बढाउने गरी व्यवस्था गरिएकाेमा सर्वसाधारणले आपत्ति जनाएका छन् । यो त समिति र कम्पनीको मिलेमतोमा नेपाली जनतालाई ठग्ने प्रपञ्च देखियो– नागरिक समाजका महासचिव डीपी अर्याल भन्छन् । निजी ल्याबलाई मान्यता दिने नदिने भन्ने सन्दर्भमा पहिल्यै मापदण्ड बनाइनु पर्नेमा समिति र कम्पनीको मिलेमतोमा यस्तो खेल भएकाले सर्वसाधारणले दुख पाएको उनले बताए ।
पछिल्लाे समय झन् कोरोना पोजिटिभ देखिने वित्तिकै ७ दिनभित्र बीमा कम्पनीले बीमा रकम भुक्तानी गर्नुपर्नेमा विभिन्न बहाना बनाएर आलटाल गर्ने काम भइरहेको छ । समितिले हालै मापदण्डमा गरेको संशोधनमा निजी ल्याबको रिपोर्टलाई आधार बनाएरसमेत भुक्तानी गर्नुपर्ने उल्लेख छ । यसअघि सरकारी ल्याबलाई मात्रै त्यो मान्यता दिइएको थियो । अब भने स्वास्थ्य मन्त्रालयमा सूचीकृत ल्याबहरुलाई यो मान्यता दिइएको छ ।
नयाँ मापदण्डमा गरिएको व्यवस्था अनुसार, अब व्यक्तिगत रुपमा यस्तो बीमा गर्न पाइनेछैन । यसको अर्थ हरेक नागरिकले अब व्यक्तिगत रुपमा बीमा गर्न नपाउने व्यवस्था गरिएको छ । सामुहिक रुपमा मात्र गर्नका लागि संगठित संस्थामार्फत मात्र हुने व्यवस्था गरिएको छ । यो व्यवस्थाले सर्वसाधरणलाई थप आहत तुल्याएको आरोप नागरिक समाजका महासचिव अर्यालको छ । जनतालाई केन्द्रमा राखेर बनाइने नियम कानून मात्र प्रभावकारी हुने उनको भनाई छ । यो त सर्वसाधरणलाई बेबकुफ बनाउने काइदा मात्रै हो – उनी भन्छन् । यस्तै बीमक कम्पनीले दाबी भुक्तानी गर्दा एउटै स्थानबाट मात्र हुने नयाँ व्यवस्था गरिएको छ ।
यस्तै बीमितले पेश गरेको रिपोर्टमा शंका लागे कम्पनीले पुन परीक्षण गराउनसक्ने व्यवस्था गरिएको छ । समितिले गरेको यो संशोधनले समस्या थप जटिल बनाइदिएको छ । खासगरी भुक्तानीको वर्गीकरण गरिनुपर्ने, भुक्तानी पाउन स्वास्थ्य मन्त्रालयको अभिलेखमा रहनुपर्ने, स्थानीय निकायको सिफारिश पेश गर्नुपर्ने, रिपोर्टको सक्कल प्रमाणपत्र राख्नुपर्ने र औषधोपचारको भौचरसमेत बुझाउनुपर्ने व्यवस्थाले बीमकलाई हतोत्साही बनाउन खोजिएको देखिन्छ ।
सँगसँगै बीमितले संक्रमणको ३० दिनपछि मात्रै भुक्तानी दावी प्रक्रिया सुरु गर्नुपर्ने व्यवस्था गरिएको छ । यसले पनि बीमकलाई बोझ थप्ने काम गरेको छ । कतिपय बीमित त यो प्रावधानले गर्दा दाबी गर्नसमेत नसक्ने अवस्थामा रहनेछन् । संक्रमित व्यक्ति निको नहुञ्जेल आइसोलेसनमा बस्ने र नजिकका परिवारसमेत क्वारेण्टाइनमा बस्नुपर्ने अवस्थामा ३० दिन भित्र दाबी गर्न व्यावहारिक कठिनाई पर्ने देखिएको छ । निको भइसकेपछि जाँदा बीमक कम्पनीले पुनपरीक्षण गर्न भन्न सक्ने तर त्यतिबेला नेगेटिभ आउने रिपोर्टले भुक्तानीमा समस्या देखिने अवस्था आउने छ ।
यो त जानाजान सर्वसाधारणलाई मार्ने र बीमक कम्पनीलाई पोस्ने नीति देखियो भन्दै नागरिक समाजका महासचिव अर्यालले भने– समिति र कम्पनी मिलेर जनता लुट्ने चाला मात्र हो । यस्तै, समितिले गरेको संशोधनमा बीमितले एकैपटक पूरा रकम नदिने व्यवस्था गरिएको छ । जसमा संक्रमण पुष्टि हुँदा बीमा रकमको २५ प्रतिशत मात्रै भुक्तानी गरिने र बाँकी रकम अस्पतालमा उपचार गर्दा लाग्ने खर्चको बील अनुसार दिइने व्यवस्था गरिएको छ । यो व्यवस्था सरासर गलत हो– अर्याल भन्छन्– पाँच महिना अगाडि बीमा गर्नेलाई पछि गरिएको संशोधनले नियन्त्रण गर्न मिल्दैन । बीमा गर्दा जुन व्यवस्था थियो, त्यही अनुसार गरिनुपर्छ ।
कानून भूतप्रभावी हुन नसक्ने तर्क गर्दै उनले पछि बन्ने कानूनले अगाडिका काम कारबाहीलाई प्रभावित गर्न नसक्ने बताए । सुरुमा सरकारले नै कोरोना बीमाको पोलिसी ल्याएको र सर्वसाधारणलाई आकर्षित गरेको हो । तर पछिल्लो समय संक्रमण दर बढ्न थालेको भन्दै बीमक कम्पनीहरुले यस्तो बीमालेख जारी गर्न रुची देखाएका छैनन् ।
त्यसैले सर्वसाधारणलाई हतोत्साही गर्न भुक्तानी प्रकृयालाई झण्झटिलो बनाइएको हो । सरकारी निकायको लापरबाही र बीमा समितिको लथालिंगे चालाले कोरोना बीमा पोलिसी सर्वसाधारणलाई ठग्ने धन्दा बनेको छ । सरकारले यसलाई संवेदनशील ढंगले संवोधन गरेन भने समस्या जटिल बन्ने अवस्था आउन सक्नेछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेपाल पुनर्बिमा कम्पनीले ५ प्रतिशत लाभांश दिने घोषणा
बैशाख ४, २०८१ मंगलबार
प्रभु इन्स्योरेन्सको वैशाख २० गते एजीएम, के-के छन एजेण्डा ?
बैशाख ३, २०८१ सोमबार
बीमा अभिकर्ताको तालिम सम्पन्न, सहभागीको उत्साहजनक सहभागिता
चैत १८, २०८० आइतबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
सिन्धुपाल्चोकमा जन्ती सवार बस दुर्घटना हुँदा ३ जनाको मृत्यु, ५२ घाइते
बैशाख ७, २०८१ शुक्रबार
‘कोर्स करेक्सन’का लागि अब कांग्रेस–एमाले गठबन्धन, देशले कहिलेसम्म अस्थिर दाहाललाई झेल्ने ?
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार