असोज १ गतेदेखि नै लामो दुरीका गाडी र हवाई उडान खुल्ने

३० भदौ, काठमाडौं । पर्सी अर्थात असोज १ गतेदेखि नै लामो दुरीका गाडी खुल्ने भएका छन् । सोमबार बसेको मन्त्रिपरिषद बैठकले पर्सी असोज १ गतेदेखि नै लामो दुरीका गाडी खुलाउने निर्णय गरेको हो । भाडादर भने ५० प्रतिशत महंगो हुने भएको छ ।

मंगलबार सरकारका प्रवक्ता तथा परराष्ट्रमन्त्री प्रदीप ज्ञवालीले मन्त्रिपरिषद बैठकका निर्णय सार्वजनिक गर्दै असोज १ गतेदेखि नै बाहिरी जिल्लाका लागि यातायात खुला भएको बताएका छन् । यस्तै आन्तरिक तथा अन्तराष्ट्रिय उडान पनि असोज १ गतेदेखि नै खुल्ने भएका छन् ।

यस्तै होटल, रेष्टुरेन्ट पनि पर्सी असोज १ गतेदेखि नै खुल्ने सरकारले निर्णय गरेको छ । आन्तरिक उडानको हवाई भाडादर भने संस्कृति, पर्यटन तथा नागरिक उडड्यन मन्त्रालयले तोक्ने छ ।