नेपाली कांग्रेस बीपीद्धारा बागबजारमा ओली र देउवाको श्राद्ध

३० भदौ, काठमाडौं । नेपाली कांग्रेस बीपीले मंगलबार बागबजारमा प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाको श्राद्ध गरेको छ । बागबजारस्थित पद्मकन्या क्याम्पस गेटमा प्रधानमन्त्री ओली र प्रमुख प्रतिपक्षी दलका नेता देउवाको श्राद्ध सम्पन्न गरिएको हो ।

नेपाली कांग्रेस बीपीका महामन्त्री तथा पूर्वमन्त्री शुशीलमान शेरचन, पुष्पराज पराजुली, सहमहामन्त्री तथा प्रवक्ता देवेन्द्रप्रकाश पौडेल, केन्द्रीय सदस्य विष्णुप्रसाद ढकाल लगायतको उपस्थितिमा ओली र देउवाको श्राद्ध भएकाे थियाे ।

साथै श्राद्ध कार्यक्रममा प्रहरीले बल प्रयोग गर्नुका साथै पानीको फोहरा समेत हानेको थियो । प्रहरीले पानीको फोहोरा हानेपछि महामन्त्रीद्धय, सहमहामन्त्री लगायत नेपाली कांग्रेस बीपीका दर्जन बढी नेता कार्यकर्ता घाइते भएका छन् ।

उनीहरुलाई उपचारका लागि अस्पताल लगिएको छ । सरकार र एमसीसीको विरोधमा यसअघि नेपाली कांग्रेस बीपीले बानेश्वर चोकमा ओली र देउवाको पुत्ला जलाएको थियो ।