लिजेन्ड खेलाडी बन्न आर्सनलसँग औवामियाङको नयाँ सम्झौता

३० भदौ, एजेन्सी । इंग्लिस क्लब आर्सनलका स्ट्राइकर पेरिक एम्रिक औवामियाङले क्लबसँग नयाँ सम्झौता गरेका छन् । गावोनका फरवार्ड औवामियाङले आर्सनलसँग तीन वर्षको नयाँ सम्झौता गरेका छन् ।

नयाँ सम्झौतासँगै औवामियाङ सन् २०२३ सम्म क्लबमा रहने छन् । ३१ वर्षीय फरवार्डले आकर्षक तलबसहित आर्सनलसँग सम्झौता नवीकरण गरेका हुन् ।

औवामियाङको आर्सनलसँगको सम्झौता करिब १० महिना बाँकी रहेको थियो । तर, सम्झौता नसकिदै आर्सनलले औवामियाङसँग नयाँ सम्झौता गरेको हो ।

सम्झौता गरिसकेका ओवामियाङले आफू आर्सनलको लिजेन्ड खेलाडी बन्न चाहेको बताएका छन् । सम्झौता गरिसकेपछि पत्रकारसँगको कुराकानीका क्रममा उनले आफू आर्सनलबाट सबै उपाधि जित्ने भन्दै लिजेन्ड बन्नैका लागि अघि बढिरहेका बताएका ह्नु ।