आज पनि बिहानैदेखि मौसम बदली, एक–दुई स्थानमा भारी वर्षा

३१ भदौ, काठमाडौं । जल तथा मौसम पूर्वानुमान महाशाखाले बुधबार पनि बिहानैदेखि मौसममा बदली भएको जनाएको छ। आज बिहान प्रदेश १, बागमती प्रदेश, गण्डकी प्रदेश, प्रदेश ५, कर्णाली प्रदेश र सुदूरपश्चिम प्रदेशका केही स्थानहरु मेघगर्जन र चट्याङ्सहित हल्का वर्षा भइरहेको महाशाखाको मौसमी बुलेटिनमा उल्लेख गरिएको छ ।

महाशाखाका अनुसार प्रदेश १ र गण्डकी प्रदेशका एक–दुई स्थानमा भने भारी वर्षा भएको छ। यस्तै आज दिउँसो पनि देशभर सामान्यतया बदली रही केही स्थानहरूमा मेघगर्जन र चट्याङ्गसहित हल्का देखि मध्यम वर्षाको सम्भावना रहेको छ । गण्डकी प्रदेश र प्रदेश ५ का एक वा दुई स्थानहरुमा भारी वर्षाको सम्भावना रहेको छ।

महाशाखाका अनुसार आज राती पनि देशभर सामान्यतया बदली रही केही स्थानहरूमा मेघगर्जनरचट्याङ्ग सहित हल्का देखि मध्यम वर्षाको सम्भावना रहेको छ । प्रदेश १, गण्डकी प्रदेश र कर्णाली प्रदेशका एक वा दुई स्थानहरुमा भारी वर्षाको सम्भावना रहेको छ।