कार्यक्षेत्रमा काम गर्दागर्दै वडासचिवको मृत्यु, कोरोना पुष्टि हुन बाँकी

३१ भदौ, जाजरकोट ।  नलगाड नगरपालिका– १० का २६ वर्षीय वडासचिव कवीराम रोकाको मृत्यु भएको छ । कार्यक्षेत्रमा काम गरिरहेको समयमा आज बिहान मृत्यु भएको हो ।

रुकुम पश्चिम सानीभेरी गाउँपालिका– १३ छिवाङ घर भएका रोका केही समयदेखि नलगाड–१० मा कार्यरत थिए । निरन्तर ज्वरो आउने, श्वास फेर्न समस्या हुने समस्याबाट पीडित भएको एक हप्ताभित्र मृत्यु भएको नगरपालिकाका प्रवक्ता राममाया हमालले जानकारी दिए ।

मृतक रोकाको स्वाब सङ्कलन गरी चौरजहारीस्थित कोरोना जाँच प्रयोगशालामा पठाउने तयारी भएको छ ।