शंकास्पद मृत्यु भएकाको कोरोना परीक्षण नगर्न सरकारको निर्देशन

३१ भदौ, काठमाडौं । हिजो मात्रै लक्षण नदेखिएकाको कोरोना परीक्षण नगर्ने घोषणा गरेको सरकारले आज शंकास्पद मृत्यु भएकाको पनि परीक्षण नगर्ने बताएको छ । स्वास्थ्य तथा जनसंख्या मन्त्रालयले मृत्यु भइसकेका व्यक्तिहरुको कोरोना परीक्षण नगर्न निर्देशन दिएको नै दिएको हो ।

मन्त्रालय अन्तर्गतको ‘इन्सिडेन्ट कमाण्ड सिस्टम’को बैठकले शंकास्पद व्यक्तिको मृत्यु भएपछि कोरोना परीक्षण नगर्ने भनेको हो । तर शव व्यवस्थापन गर्दा सबै सावधानी अपनाउनुपर्ने र सम्पर्कमा आएकाहरु १४ दिन क्वारेन्टिनमा बस्नु पर्ने नियम भने जारी गरिएको छ ।

अहिलेसम्म कोरोना लागेर मृत्यु भएकाहरु भन्दा मृत्यु भएपछि कोरोना पुष्टि हुनेको संख्या धेरै छ । तर सरकारले यस किसीमको निर्णयले कोरोना झन भित्रभित्रै भयावह हुने संकेत देखिएको छ ।