शोक मनाउन भोलि देशभरकामा बिदा

३१ भदौ, काठमाडौं । पूर्वप्रधानन्यायाधीश अनिरुद्धप्रसाद सिंहको निधनमा सर्वोच्च अदालतले भोलि देशभरका अदालत बन्द गर्ने निर्णय गरेको छ । सर्वोच्च अदालतको बुधबार बसेको आकस्मिक बैठकले सिंहको निधनप्रति दुःख व्यक्त गर्दै देशभरका अदालतमा बिहीबार शोक बिदा दिने निर्णय गरेको हो ।

सिंहको निधनबाट राष्ट्रले एउटा सच्चा राष्ट्रप्रेमी र न्यायिक व्यक्तित्व गुमाएको उल्लेख गर्दै उनको आत्माको चीर शान्तिको कामनासहित शोकसन्तप्त परिवारजनमा समवेदना प्रकट गरिएको सर्वोच्च अदालतका प्रवक्ता भद्रकाली पोखरेलले जारी गरेको प्रेस विज्ञप्तिमा उल्लेख छ ।

सप्तरी जिल्लामा १९७६ सालमा जन्मिएका सिंहले २०१३ साल जेठ ८ गते प्रधानन्यायाधीश नियुक्त भई २०१६ असार १५ गतेसम्म काम गरेका थिए । उनको मंगलबार बिहान निधन भएको थियो ।