ललितपुरमा दुई जना संक्रमितको मृत्यु

३१ भदौ, काठमाडौं । ललितपुरको निदान अस्पताल र सुमेरु अस्पतालमा दुई जना संक्रमितको मृत्यु भएको छ । रामेछाप र काठमाडौंका दुईजना कोराना संक्रमितको बुधबार मृत्यु भएको अस्पतालले जनाएका छन् ।

निदान अस्पतालमा रामेछापका ३६ बर्षीय पुरुषको मृत्यु भएको हो । यस्तै सुमेरु अस्पतालमा काठमाडौंकी ८१ वर्षीय वृद्धाको मृत्यु भएको हो । कोरोना संक्रमण भएपछि अस्पताल भर्ना भएका उनीहरुको स्वास्थ्य अवस्था जटिल बन्दै गएको थियो । सोही क्रममा उपचारकै क्रममा उनीहरुको बुधबार दिउँसो मृत्यु भएको हो ।