बेयरस्टोको शतक र बिलिङसको अर्धशतकमा सम्हालियो इंग्ल्याण्ड

३१ भदौ, काठमाडौं । अष्ट्रेलियासँगको निर्णायक तेस्रो एकदिवसीय क्रिकेटमा इंग्ल्याण्डका ओपनर व्याट्सम्यान जोनी बेयरस्टोले शतक प्रहार गरेका छन् । शुरुदेखि नै इंग्ल्याण्डले विकेट गुमाएपनि अर्को इण्डबाट विष्फोट व्याटिङ गरेको बेयरस्टोले ३७ औँ ओभरमा छक्का र चौका हान्दै शतक बनाएका हुन् ।

३७ औ ओभरको पाँचौ बलमा प्याट कुमिन्सलाई छक्का हान्दै शतक पूरा गरेका उनले छैटौ बलमा चौका प्रहार गरेका थिए । १ सय २६ बल खेलेर १२ चौका र २ छक्का हानेका बेयरस्टो १ सय १२ रनमा आउट भएका छन् । एकदिवसीय क्रिकेटमा उनको यो दशौ शतक हो ।

An incredible shot.

Well played @jbairstow21 ?#ENGvAUS pic.twitter.com/tXAmi5lwQb

— England Cricket (@englandcricket) September 16, 2020

कुमिन्सकै बलमा शतक बनाएका बेयरस्टो उनकै आठौ ओभरको बलिङमा आउट भए । जेसन रोय, जोय रुट, कप्तान इयोन मोर्गन र जोस बटलर सस्तैमा आउट भएर निकै दबाबमा परेको इंग्ल्याण्डका लागि बेयरस्टोले शतकीय इनिङ खेलेका हुन् ।

उनले साम बिलिङ्सँग १ सय १४ रनको साझेदारी गरे । बिलिङ्स भने ५७ रनमा आउट भए । एक समय निकै नाजुक अवस्थामा रहेको इंग्ल्याण्ड बेयरस्टो र बिलिङको शतकीय साझेदारीले २०० रन कटाउन सफल भएको छ । अष्ट्रेलियाका एडम जाम्पाले ३ विकेट लिएका छन् भने मिचेल स्टार्कले शुरुमै २ विकेट लिए ।

सनसनी जित निकाल्दै श्रृङ्खला बराबरी गरेको थियो । वल्र्ड ट्राफोर्डमा जारी तेस्रो एकदिवसीय पनि जितेर इंग्ल्याण्ड श्रृङ्खला जित्ने दाउमा बलियो बनेको छ ।