कूलमान फेरि विद्यूत प्राधिकरणको कार्यकारी निर्देशक बन्दै

१ असोज, काठमाडौं । सरकारले कुलमान घिसिङलाई पुनः चार बर्षकै लागि नेपाल विद्युत प्राधिकरणको कार्यकारी निर्देशकमा नियुक्त गर्ने तयारी गरेको छ ।

बढ्दो दबाब र माग भएपछि कूलमानलाई प्राधिकरणको कार्यकारी निर्देशकमा नियुक्त गर्न लागिएको उर्जा मन्त्रालयले जनाएको छ । उर्जामन्त्री बर्षमान पुनका सचिवालय प्रमुख दुर्गाप्रसाद चापागाईंले बिहीबार सामाजिक सञ्जाल फेसबुकमार्फत कूलमानलाई छिट्टै प्राधिकरणको प्रमुखमा नियुक्त गर्न लागिएको जनाएका हुन् ।

उर्जामन्त्री पुनले मन्त्रिपरिषद बैठकमा कूलमानलाई फेरि नियुक्त गर्ने प्रस्ताव लिएपनि प्रधानमन्त्री केपी शर्मा ओलीले भने त्यसलाई बेवास्ता गर्दै आएका छन् ।

तर पछिल्लो समय दबाब बढेपछि मन्त्रिपरिषदमा बिचाराधीन रहेको प्रस्तावलाई अघि बढाउने तयारी छ । यसका लागि नेकपाका अध्यक्ष प्रचण्डले ओलीलाई निर्णायक दबाब दिने तयारी पनि रहेको बुझिन्छ ।