बालुवाटारमा मन्त्रिपरिषद बैठक बस्दै

१ असोज, काठमाडौं । मन्त्रिपरिषदको नियमित बैठक आज बस्दैछ । असोज ३ गते मनाइने संविधान दिवसको अवसरमा गरिने कार्यक्रम लगायतका विषयमा निर्णय गर्न दिउँसो १२ बजे बालुवाटारमा मन्त्रिपरिषद बैठक बस्न लागेको हो ।

आजको बैठकमा संवैधानिक आयोगमा नियुक्ती, नेपाल विद्युत प्राधिकरणमा कूलमान घिसिङको पुनर्नियुक्ती लगायतका विषयमा पनि छलफल हुने अनुमान गरिएको छ । साथै कोरोना भाइरसको महामारीका कारण जारी गरिएको निषेधाज्ञा थप खुकुलो पार्ने विषयमा पनि छलफल हुन सक्नेछ ।