विराटनगरमा मृत्यु भएका वृद्धलाई कोरोना पुष्टि

१ असोज, विराटनगर । मोरङको विराटनगरमा मृत्यु भएका वृद्धमा कोरोना भाइरसको संक्रमण पुष्टि भएको छ । कोशी अस्पताल विराटनगरको आइसोलेसनमा भर्ना भएका विराटनगर महानगरपालिका ६ का ६६ वर्षीय पुरुषको मृत्यु भएपछि परीक्षण गर्दा कोरोना रिर्पोट पोजेटिभ आएको हो ।

६६ वर्षीय पुरुषलाई गम्भीर अवस्थामा बुधबार राति ११ बजे कोशी अस्पताल भर्ना गरिएको थियो । आइसोलेसनमा भर्ना भएको करिब १ घण्टापछि मृत्यु भएको थियो । मृत्यु पछि बिहीबार बिहान पोजेटिभ रिपोर्ट आएको हो । यससँगै विराटनगरमा कोरोना संक्रमणका कारण ज्यान गुमाउनेको संख्या २० पुगेको छ ।