आश्विनसँगै सन्दीपलाई खेलाउनैपर्ने बाध्यतामा दिल्ली

१ असोज, एजेन्सी । नेपाली युवा लेगस्पिनर सन्दीप लामिछानेलाई आईपीएलका मुख्य मुख्य खेल खेलाउनुपर्ने मत बढ्दै गएको छ । भारतका पूर्व क्रिकेटर अजित अगस्करले आईपीएलमा दिल्ली क्यापिटल्सबाट खेल्न सन्दीप टिमका लागि ब्रेकथ्रु बन्न सक्ने भन्दै मुख्य मुख्य खेल खेलाउनुपर्नेमा जोड दिएका हुन् ।

अजितसँगै गौतम गम्भीर, आकाश चोपडा, दिप दास गुप्ता, रौनक कपुरले पनि ठूला टिमका ठूला व्याट्सम्यानलाई आउट गर्न सक्ने क्षमता सन्दीपमा रहेकाले उनलाई खेलाउनुको विकल्प नरहेको बताएका छन् । पछिल्लो समय दिल्ली क्यापिटल्समा चार जना स्पिनर छन् ।

मुख्य स्पिनर रविचन्दन आश्विनसँगै अमित मिश्रा, अक्षर पटेल र सन्दीप दिल्लीको टिममा छन् । तर दिल्लीको टिमबाट आश्विनसँगै सन्दीप पर्ने सम्भावना बढी छ । पछिल्लो समय बिग ब्यास लिग, क्यारेबियन प्रिमियर लिग, बंगलादेश सुपर लिग लगायतका दर्जन बढी खेल खेलका सन्दीप अनुभवी र मुख्य व्याट्सम्यानको विकेट लिने खेलाडीमा पर्छन् ।