रातो कार्ड खाएका नेयमारलाई दुई खेलको प्रतिबन्ध

१ असोज, एजेन्सी । पीएसजी स्टार नेयमार दुई खेलको प्रतिबन्धमा परेका छन् । मार्सेबिरुद्धको खेलमा रातो कोर्ड खादै मैदान बाहिरिएका नेयमारमाथि दुई खेलको प्रतिबन्ध लगाइएको हो ।

फ्रेन्च फुटबलका अधिकारीले नेयमारले दाबी गरेको नश्लीय दुर्व्यवहारको आरोपमाथि अनुसन्धान गर्ने बताएका छन् । आईतबार भएको तनावपूर्ण खेलमा नेयमार सहित ५ खेलाडीले फ्रेन्च लिगमा रातो कार्ड खाएका थिए । मार्सेलीका अल्भारो गोन्जालेजमाथि हातले हानेपछि नेयमारलाई समेत रातो कार्ड देखाईएको थियो ।

मैदानबाट बाहिरिने क्रममा नेयमारले आफुमाथि नश्लीय दुर्व्यवहार गरेको भन्दै भारका आधारमा अनुसन्धान गर्नुपर्ने बताएका थिए । गोन्जालेजले आफुमाथि लागेको आरोप अस्विकार गर्दै आएका छन् । नेयमार सहित अरु थप ४ खेलाडीले समेत प्रतिबन्ध भोगेका छन् । पीएसजीका डिफेन्डर लेविन कुर्जावाले ६ खेलको प्रतिबन्ध भोगेका छन् ।

लगातार दोस्रो हार व्यहोर्ने क्रममा पीएसजी मार्सेलीसँग १–० ले पराजित भएको थियो ।