तोडियो इंग्ल्याण्डको शान, श्रृङ्खला अष्ट्रेलियाको कब्जामा

१ असोज, एजेन्सी । इङ्ल्याण्डबिरुद्धको एक दिवसीय क्रिकेट श्रृङ्खला अष्ट्रेलियाले जितेको छ । तेस्रो तथा अन्तिम खेलमा इङ्ल्याण्डलाई उसकै मैदानमा ३ विकेटले हराउँदै अष्ट्रेलियाले श्रृङ्खला २–१ ले जितेको हो ।

जितसँगै इंग्ल्याण्डको ९ खेलसम्मको अपराजित श्रृङ्खलामाथि अष्ट्रेलियाले पूर्णविराम लगाई दिएको छ । विश्वकप विजेता इंग्ल्याण्ड पछिल्लो ९ श्रृङ्खलासम्म घरेलु मैदानमा अपराजित थियो ।

वल्र्ड ट्राफोर्डमा इंग्ल्याण्डले दिएको ३ सय ३ रनको लक्ष्य अष्ट्रृेलियाले २ बल बाँकी छदै भेट्टायो । उसका लागि ग्लेन म्याक्सवेल र एलेक्स क्यारीले शतक प्रहार गरे । इंग्ल्याण्डको विशाल योगफलमा जोनी बेयरस्टोले शतक बनाएपनि त्यो सार्थक हुन सकेन् ।

यसअघि तीन खेलको ट्वेन्टी ट्वेन्टी क्रिकेट श्रृङ्खला इंग्ल्याण्डले जितेको थियो ।