भारतका केन्द्रीय मन्त्री नितिन गड्करीलाई कोरोना संक्रमण

१ असोज, नयाँदिल्ली । भारतका केन्द्रीय यातायात मन्त्री नितिन गड्करीलाई कोरोना भाइरस संक्रमण भएको छ । उनले आफू कोरोना भाइरसबाट संक्रमित भएको सामाजिक सञ्जालबाट जानकारी दिए ।

उनले पछिल्लो समयमा आफ्नो सम्पर्कमा आएकाहरुलाई तत्काल स्वास्थ्य परीक्षण गर्न र सतर्कता अपनाउन पनि आह्वान गरेका छन । “मैले हिजो कमजोर महसुस गरेँ, अनि मैले चिकित्सकसँग परामर्श गरेँ, अनि कोरोना परीक्षण गर्दा कोरोना भाइरसबाट संक्रमित भएको नतिजा आयो,” उनले बुधबार सामाजिक सञ्जाल ट्वीटरमा लेखेक छन ।

उनले थप लेखेका छन “भगवानको कृपा र तपाईहरु सबैको सुभेच्छाले मलाई अहिले धेरै निको भइसकेको छ, म अहिले आराम महसुस गरिरहेको छु ।” एएनआई