कोरोना मृत्तकको परीक्षण नगर्ने निर्णय तत्काल फिर्ता लिन कांग्रेसको माग

१ असोज, काठमाडौं । नेपाली कांग्रेसले मृतकको कोरोना परीक्षण नगर्ने निर्णय फिर्ता लिन सरकारसँग माग गरेको छ। कोरोनाको अवस्था भयानक बनेका बेला परीक्षण नगर्ने काम गैरजिम्मेवार भएको कांग्रेसको तर्क छ ।

कांग्रेस प्रवक्ता विश्वप्रकाश शर्माले शंकास्पद मृत्यु भएका व्यक्तिको कोरोना परीक्षण नगर्ने सरकारको पछिल्लो निर्णय गलत रहेको बताएका छन् । यो निर्णय तत्काल फिर्ता लिएर गहिरो विश्लेषण र गम्भीर सुझबुझका साथ मात्रै यस्ता संवेदनशील विषयमा निर्णयमा पुग्न पनि उसले सरकारसँग माग गरेका छन् ।

कसैलाई संक्रमण छ वा छैन भनेर जानकारी पाउन परीक्षण एक मात्रै विकल्प भएको पनि कांग्रेसको भनाई छ । मृत्युपछि मात्रै पीसीआर गर्ने प्रवृत्ति अन्त्य गर्न र त्यसबाट पनि पन्छिने गल्ती नदोहोर्याउन कांग्रेस प्रवक्ताले सरकारलाई चेतावनी समेत दिएका छन् ।