डा.केसीको अनसनमा कांग्रेस बीपीको ऐक्यबद्धता, माग पूरा गर्न आग्रह

१ असोज, काठमाडौं । नेपाली कांग्रेस बीपीले डा.गोविन्द केसीको अनसनमा ऐक्यबद्धता जनाएको छ । डा.केसीले जनताको माग उठाएकाले उनका माग तत्काल पूरा गर्न नेपाली कांग्रेस बीपीले माग गरेको हो ।

कांग्रेस बीपीका कार्यालय सचिव शुशिलराज वाग्लेले विज्ञप्ती जारी गर्दै डा.केसीको मागमा पार्टीको समर्थन रहेको जनाएका हुन् । डा.केसीका माग सम्बोधन गरेर आगामी दिनमा अनसन बस्ने अवस्थाको अन्त्य गर्न पनि नेपाली कांग्रेस बीपीले सरकारसँग माग गरेको छ ।

यस्तै नेपाली कांग्रेस बीपीले निषेधाज्ञाका कारण बन्द रहेका मठ मन्दिर खोल्न पनि माग गरेको छ । आफ्नो धार्मिक आस्थाका भक्तजनले मन्दिरमा पूजा गर्न नपाउनु दुःखद भएको भन्दै कांग्रेस बीपीले स्वास्थ्य सुरक्षाको मापदण्ड पालना गरेर भएपनि भक्तजनलाई पूजा आजा गर्ने व्यवस्था मिलाउन सरकारसँग माग गरेको हो ।