नेयमार, एमबाप्पे र लेवान्डोस्की उत्कृष्ट स्ट्राइकर

२ असोज, एजेन्सी । च्याम्पियन्स लिग फुटबलको उत्कृष्ट स्ट्राइकरमा तीन जना छनौट भएका छन् । च्याम्पियन्स लिगले बिहीबार सार्वजनिक गरेको ‘फरवार्ड अफ दि सिजन’को मनोनयनमा उत्कृष्ट तीन स्ट्राइकर परेका हुन् ।

मनोनयनमा च्याम्पियन टिम बायर्न म्युनिखका रोबर्टो लेवान्डोस्की, उपविजेता टिम पेरिस सेन्ट जर्मेन पीएसजीका केलियन एमबाप्पे र नेयमार परेका छन् ।

यस्तै गोलकिपर अवार्डका लागि पीएसजीका केलर नाभास, बायर्नका मानुएल नुएर र एट्लेटिको मड्रिडका जान ओब्लाक मनोनयनमा परेका छन् ।

मिडफिल्डर अवार्डका लागि म्यानचेस्टर सिटीका केभिन डी ब्रुएन, बायर्नका थोमस मुलर र थियागो मनोनयनमा परेका छन् । डिफेन्डरमा बायर्नका डेभिड अल्बा, अल्फान्सो डेभिस र जोसुवा किमिच मनोनयनमा परेका छन् । अवार्ड विजेताको घोषणा च्याम्पियन्स लिगको ड्र सार्वजनिक गरिने कार्यक्रममा हुनेछ । जुन अक्टोबर १ मा हुनेछ ।