नेपालको अध्यक्षतामा सार्क राष्ट्रका विदेशमन्त्रीको बैठक बस्दै

२ असोज, काठमाडौं । दक्षिण एसियाली क्षेत्रीय सहयोग संगठन सार्क राष्ट्रका विदेशमन्त्रीको बैठक यसै महिना बस्ने भएको छ । असोज ८ गते अर्थात २४ सेप्टेम्बरमा बस्ने भएको हो । भर्चुअल बैठकको परराष्ट्रमन्त्री प्रदीप कुमार ज्ञवालीले अध्यक्षता गर्ने छन् । बैठकमा कोरोना महामारी नियन्त्रण लगायतका विषयमा छलफल हुनेछ ।

सांघाइ कोअपरेसन अर्गनाइजेसनको बैठकमा भारत–पाकिस्तान दुवै देशका विदेशमन्त्रीले पनि २४ सेप्टेम्बरको बैठकमा सहभागी हुने अपेक्षा छ । सार्क अध्यक्ष राष्ट्र नेपाल भएकाले यो बैठकको अध्यक्षता नेपालका परराष्ट्रमन्त्री ज्ञवालीले गर्ने भएका हुन् ।

गत बुधबार राष्ट्रिय सुरक्षा सल्लाहकारहरुको बैठक बसेको थियो । सो बैठकमा पाकिस्तानका विशेष सल्लाहकार मोइद युसुफले पाकिस्तान सरकारले जारी गरेको नयाँ नक्सा देखाएपछि भारत सरकारका राष्ट्रिय सुरक्षा सल्लाहकार अजित डोभाल बैठक नै छाडेका थिए ।