भरतपुर अस्पतालमा संक्रमित पुरुषको मृत्यु

२ असोज, चितवन । चितवनको भरतपुर अस्पतालमा कोरोना संक्रमित पुरुषको मृत्यु भएको छ । भरतपुर अस्पतालमा सर्लाहीको हरिपुर गाउँपालिकाका ५५ वर्षीय पुरुषको आज बिहान १० बजे मृत्यु भएको हो।

मिर्गौलाको डायलासिस गरिरहेका उनलाई भदौ १८ गते कोरोना सङ्क्रमण पुष्टि भएको थियो। उनको खोकीसँगै स्वाशप्रस्वासमा समस्या देखिएपछि भदौ २३ गतेदेखि कोभिड–१९ सघन उपचार कक्षमा उपचारका क्रममा मृत्यु भएको हो ।

यसअघि चितवन मेडिकल कलेजमा ३१ बर्षीय युवकको पनि कोरोनाकै कारण मृत्यु भएको थियो ।