जनकपुरमा रेल पहिल्यै आइसकेको थियो, अहिले आएको वाहन मात्रै हो !
नेपालबहस संवाददाता
असोज २, २०७७ शुक्रबार १९:४८:२९
२ असोज, काठमाडौं । सामाजिक सञ्जाल फेसबुकमा शुक्रबार दिनभरजसो रेलको चर्चा छ । खासगरी सत्तारुढ नेकपाका नेता कार्यकर्ताले प्रधानमन्त्री केपी शर्मा ओलीले देखाएको रेलको सपना पूरा भएको भन्दै खुबै चर्चा गरिरहेका छन् ।
जनकपुरमा रेल पहिलोपटक भने आएको होइन् । आजभन्दा ९३ बर्ष अगाडी नै रेल जनकपुरमा आएको हो । अहिले आएको नयाँ वाहन मात्रै हो । त्यतिबेला परम्परागत रेल जनकपुर आएको थियो । अहिले नयाँ डिलक्स मोडलको रेल मात्रै देखिएको हो ।
सामाजिक सञ्जालमा चर्केको हल्ला र भ्रमलाई चिर्दै पत्रकार चन्द्रकिशोरले फेसबुकमा लेखेका छन, ‘लौ रेल आयो । अनेकौ कोणबाट सिटी बज्यो । यो रेल त्यो रेल होइन , जसका बारे करजीवीले सपना देखाएका थिए । यो उही जनकपुरिया रेल सेवाका लागि भित्रिएको नयाँ वाहन मात्रै हो ।’
त्यो बेलाको यो रेल ?
आजभन्दा ९३ वर्षअघि रेल पहिलो पटक नेपाल आएको थियो । सन् १९२७ मा चन्द्र शमशेरका पालामै रेल नेपाल आएको थियो । त्यतिबेला नेपाल रेल आएको प्रसंग पनि विशेष छ ।
पहिलो विश्वयुद्ध चर्केको बेलामा नेपालले बेलायतलाई सहयोग गरिररहेको थियो । नेपाली गोरखालीको साहसले गर्दा बेलायत युद्धमा होमिएको थियो । सोही युद्धमा नेपालीले विरताका साथ लडेका थिए । यो सहयोगबापत बेलायत सरकारले नेपाललाई त्यतिबेलाको नगद २१ लाख रुपैयाँ दिएको थियो ।
पहिलो विश्वयुद्ध सकिएपछि चन्द्र शमशेरले बेलायतको सहयोग रेलमार्ग निर्माण, रोपवेमा लगाएका थिए । सोही क्रममा जयनगर–जनकपुर रेल आएको हो । त्यतिबेला रेल आएपनि बीचमा त्यसले निरन्तरता पाउन सकेन ।
रेलमार्ग बिग्रियो । कतिपय ठाउँमा भत्कियो पनि । अहिले भारत सरकारकै आर्थिक एवं प्राविधिक सहयोगमा ३५ किलोमिटर लम्बाइको कुर्था–जयनगर खण्ड सम्पन्न भएपछि जनकपुरमा नयाँ वाहनसहितको रेल देखिएको हो ।
त्यसैले अहिले नेकपाका नेता कार्यकर्ताले हल्ला गरेजस्तो नेपालमा पहिलो पटक रेल आएको भने होइन, पहिल्यै आइसकेको रेल सेवालाई बर्षौपछि निरन्तरता दिन लागिएको मात्र हाे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपव्यवसायीलाई जरिवाना बढी भयोः वरिष्ठ उपाध्यक्ष श्रेष्ठ
माघ १५, २०८० सोमबार
तेस्रो मुलुकका लागि निर्यातको शुभारम्भ
माघ १२, २०८० शुक्रबार
महानगरविरूद्ध सडक व्यापारीले आन्दोलन गर्ने
माघ १२, २०८० शुक्रबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार