जनकपुर आइपुग्यो नयाँ रेल

२ असोज, जनकपुपर । भारतसँग किनेको नयाँ रेल जनकपुर आइपुगेको छ । शुक्रबार दिउँसो साढे १ बजे जनकपुरमा नयाँ रेल आइपुगेको हो । भारतको कोंकन रेल्वे कर्पोरेसनसँग ८४ करोड ६५ लाखमा किनेको दुई रेलमध्ये एक रेल नेपाल आएको हो ।

कोरोना भाइरसको महामारीका कारण दुवै रेल गत फागुनदेखि भारतको बिहारस्थित हाजीपुरमा रोकिएका थिए । अहिले दुवै देशमा यातायात सञ्चालन भएपछि परीक्षणका लागि रेल नेपाल ल्याइएको हो । रेल नेपाल आए पनि फेरि भारत नै फर्किनेछ । सञ्चालन नभएसम्म नेपाली रेल जयनगरस्थित स्टेसनमै रहने रेल्वे कम्पनीले जनाएको छ ।