गणेशमानको शालिकमा माल्यार्पण गर्दै शान्तिबाटिकामा कांग्रेस बीपीको सफाई

२ असोज, काठमाडौं । नेपाली काँग्रेस बीपीले गणेशमान सिंहको २३ औँ स्मृति दिवसमा अवसरमा काठमाडौंको रत्नपार्कमा रहेको शान्तिबाटिकामा सरसफाई गरेको छ । नेपाली कांग्रेस बीपीका सभापति हरिबोल भट्टराईले गणेशमानको शालिकमा माल्यार्पण गरेका थिए । शालिकमा माल्यार्पण गर्नु अगाडी शान्तिबाटिकामा सफाई गरिएको हो ।

शालिकमा माल्यार्पण गरेर नेपाली कांग्रेस बीपीको झण्डा राखिएको छ । माल्यार्पण कार्यक्रमपछि आयोजित कोणसभामा बोल्दै सभापति भट्टराईले गणेशमानको योगदानबाट नेपालमा प्रजातन्त्र आएको भन्दै अहिलेको सरकारले प्रजातन्त्रलाई नै संकटमा पारेको बताए ।

यस्तै पूर्वमन्त्री तथा कांग्रेस बीपीका महामन्त्री सुशीलमान शेरचनले नेपाली राजनीतिमा गणेशमान सिहंको योगदानको चर्चा गर्दै नेपाली काँग्रेसले गणेशमान सिहंलाई अन्तिम समयमा पार्टी छोडन बाध्यता पारेको बताए ।