संविधान दिवसमा भ्रष्टाचार शिरोमणिहरू नै विभुषणबाट सम्मानित
नेपालबहस संवाददाता
असोज ४, २०७७ आइतबार २०:२३:४१
४ असोज, काठमाडौं । प्रधानमन्त्री केपी ओलीले हिजो आयोजित संविधान दिवस कार्यक्रममा छाती फुलाएर भाषण ठोके– “मपनि भ्रष्टाचार गर्दिन, अरुलाई गर्नपनि दिन्न ।” उनको भाषण अझै चर्काे बन्दै गयो– भ्रष्टाचारीका बारेमा बोल्नुपर्दा मुखमा पानीसमेत राख्दिन् । ओलीको यस्तो भाषण सुन्ने अरुलाई भने कुरी कुरी नै लागेको अनुभूति भएको प्रतीत हुन्थ्यो ।
किनभने हिजै मात्र उनको छत्रछायाँमा रहेका अख्तियार दुरुपयोग अनुसन्धान आयोगका प्रमुख आयुक्तका रुपमा भर्खरै बाहिरिएका नवीनकुमार घिमिरेलाई विभुषित गरिएको थियो । कार्यकाल सकिने अघिल्लो दिन घिमिरेले बढो काइदाको काम गरेका थिए । आयल निगमले खरिद गरेको जग्गा घोटालामा अनियमितता भएको पर्याप्त आधार र प्रमाण थिए । तर ओलीको इशारामा घिमिरेले उक्त फाइल तामेलीमा राखे । त्यति मात्र होइन, ओलीकै निर्देशनमा घिमिरेले नेपाल ट्रष्टको जग्गा भाडामा दिंदा यति होल्डिङ्सले गरेको अनियमितताको उजुरी उपरसमेत कुनै अनुसन्धान गरेका थिएनन् ।
यस्तै ओम्नी समूहको भ्रष्टाचार, वाइडबडी जहाज भाडा प्रकरणको बहुचर्चित भ्रष्टाचार र सेक्युरिटी प्रेस खरिद काण्डमा भएको मोलमोलाईबारे घिमिरेले कुनै अनुसन्धान नै गराएनन् । तर दुनियाँलाई थाहा छ– यी सबै काण्डमा ठूलो भ्रष्टाचार र अनियमितता भएका छन् । त्यही जोगाएवापत् ओलीले घिमिरेलाई जनसेवाश्री प्रथम विभुषणले सुशोभित गरिदिए । अनि गफ दिए– भ्रष्टाचार गर्दिन र गर्नपनि दिन्न । नवीन घिमिरेले उक्त विभुषण पाइरहँदा भ्रष्टाचारको आहालमा डुबुल्की मार्नेहरु खित्का छाडेर हाँस्नुपर्ने अवस्था आएको थियो ।
ओली सरकारले यसपटक बाँडेको विभुषणको ओज कत्तिको बढ्यो त भन्दा घिमिरे जस्ता धेरैलाई दिएपछि आलोचना नहुने कुरै भएन । ५९४ जनालाई गृहमन्त्रालयले यसपटक विभुषण वितरण ग¥यो । ती मध्ये अधिकांश आफ्ना आउरेबाउरे र हुक्के बैठके परे । देश र जनताका लागि योगदान दिने भन्दा निकट कार्यकर्ता नै उक्त सूचीमा परेका छन् । त्यसैले सही मानिससमेत विभुषित भएकोमा गौरवको अनुभूति गर्न नसक्ने भएका छन् । डा. सन्दूक रुइत जस्ता उपयुक्त पात्रसमेत विभुषण लिन आनाकानी गर्ने अवस्थामा पुगेका छन् ।
समाजसेवी वा पत्रकारका नाममा वितरण गरिएको आलु विभुषणको कुनै अर्थ नै नहुने देखिएको छ । धेरैजसो मानिस भ्रष्ट र विवादमा तानिएकाहरु नै छन् । ओलीले चाहेका थिए, नवीन घिमिरेलाई राष्ट्रकै सर्वाेच्च विभुषण प्रदान गरुँ । त्यसका लागि छनौट पनि भएको थियो । तर अन्तिम समयमा आएर घिमिरेलाई सन्दूक रुइतकै लाइनमा पारिएको स्रोतले बताएको छ । नत्र घिमिरेलाई नेपालरत्न सम्मानबाट विभुषित गर्ने तयारी थियो । हालसम्म यस्तो सम्मान कुनैपनि संवैधानिक निकायका प्रमुखले पाएका थिएनन् । विभुषणको ओज घटेकाले कतिपयले अस्वीकारसमेत गरेका छन् ।
देशमा कोरोना भाइरसले धेरै मानिसको रोजीरोटी नै गुमेको छ । एक छाक खान नपाउनेहरुको संख्या दिनदिनै बढ्दो छ । तर ओली सरकार भने तिनै निम्छरा जनताको पेट मारेर भ्रष्टाचारमा लिप्त छ । यस्तो महामारीका बेला ओली नेतृत्वको सरकारले ५९४ जना आफन्तलाई खुशी पार्न राज्यकोषबाट आठ करोड भन्दा बढी खर्च गरेको छ । कार्यकर्ता खुशी पार्न नै ओलीले यस्तो लहडी काम गरेका छन् । अहिलेको बेला यसरी जथाभावी पदक र विभुषण वितरण गर्नु भनेको एककिसिमले भ्रष्टाचार नै गर्नु बराबर हो । ओली सरकारले बाँडेका कतिपय मानिस नवीन घिमिरेभन्दा पनि गए गुज्रिएका छन् । यसले पदक र विभुषणको औचित्य र आधार खुलाउन सक्दैन् ।
प्रधानमन्त्री ओलीको अस्वभाविक चाकडी गर्नेहरुलाई खोजी खोजी पुरष्कृत गरिएको छ । नत्र बद्रीविशाल पोखरेल र रमेश सिलवालहरुले के आधारमा विभुषित हुने मौका पाए ? प्रश्न उब्जिएको छ । राजनीतिको आडमा हुने यस्ता कुकृत्यमा निजामती सेवाको समेत ठूलो भूमिका रहने गर्छ । केही वर्ष अगाडि मात्रै तत्कालिन मुख्यसचिव सोमलाल सुवेदी र हालका मुख्यसचिव लोकदर्शन रेग्मीले आफ्नै नाम सिफारिश गरे । रेग्मीले त आफ्ना पिताकै नाम विभुषण पाउनेको लिस्टमा राखे ।
त्यसैगरी तत्कालिन सचिवहरु सूर्यप्रसाद सिलवाल र नारायणगोपाल मलेगुले समेत आफ्नो नाममा विभुषण लिए । अहिले मलेगु भ्रष्टाचार मुद्धामा अदालत धाइरहेका छन् । यसरी हेर्दा राज्यकोषबाट वितरण हुने यस्ता मान पदवी वा विभुषणको कुनै मापदण्ड बनाइएको छैन । सत्ता निकट व्यक्ति नै पदक पाउने आधार बनेका छन् । जसले गर्दा भ्रष्टाचारमा कहलिएकाहरु नै यस्ता मानपदवी पाउनेको श्रेणीमा पर्ने गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार