संसदको विशेष अधिवेशन तत्काल आव्हान गर्न कांग्रेस नेता केसीको माग
नेपालबहस संवाददाता
असोज ४, २०७७ आइतबार २१:३३:३०
४ असोज, काठमाडौं । नेपाली कांग्रेसका प्रभावशाली केन्द्रीय सदस्य तथा पूर्वमन्त्री अर्जुननरसिंह केसीले संसदको विशेष अधिवेशन बोलाउन माग गरेका छन् । कोरोना महामारीको कारण देखाउँदै सरकारले गत असारमा जारी बर्षे अधिवेशन अचानक अन्त्य गरेको थियो । सभामुखलाई समेत जानकारी नदिई चोरबाटोबाट बजेट अधिवेशनको अन्त्य गरि अध्यादेश ल्याउने प्रपञ्च केपी ओली सरकारले गरेको थियो ।
कांग्रेस नेता केसीले आज सामाजिक सञ्जाल टुवीटर र फेसबुकमा लामो स्टाटस् लेख्दै भनेका छन् “महामारीका बीच पनि संघीय संसदको अधिवेशन सञ्चालन गर्न सकिन्छ भन्ने वास्तविकता बेलायत र भारतमा कोरोना महामारीबीच चलेका संसद अधिवेशन, दक्षिण कोरियामा सम्पन्न आमनिर्वाचन, जापानमा सरकार हेरफेर, अमेरिकामा हुन गईरहेको राष्ट्रपतिको निर्वाचन आदि गतिविधिबाट प्रमाणित हुन्छ ।”
नेता केसीले मुलुक छ महिनायता कोरोना महामारी र भीषण प्राकृतिक प्रकोपको वितण्डाको कारण स्खलित हुँदै ,जनता भय, त्रास र आतंकले पीडित भएको उल्लेख गर्दै सरकारप्रति जनतामा चौतर्फी आक्रोश छाएको बताएका छन् । जनता निराशा र जीवनमरणको दोसाँधमा पुगेको बताएका छन् ।
संविधान दिवसका दिन प्रधानमन्त्री ओलीले म भ्रष्ट्राचार गर्दिन र गर्न पनि दिन्न भन्ने भनाईप्रति कटाक्ष गर्दै नेता केसीले महामारीको आडमा सत्ताधारीहरू निर्वाध रूपबाट भ्रष्टाचार, राष्ट्रिय ढुकुटीको दोहन, असंवैधानिक तथा मनपरि नियुक्ती र पँजनीमा व्यस्त रहेको भन्दै चुनौती दिएका छन् । ओली सरकारले फजुल खर्च गर्दै, मुलुकको संकटलाई अझ गहिरो बनाउँदै पदको झम्टाझम्टीमा मात्र रुमल्लिने गरेको नेता केसीको आरोप छ ।
ओली सरकारले भ्रष्टहरूलाई उन्मुक्ति दिने अर्कातिर गरिब, ज्यालादारीमा जीवन निर्वाह गर्ने समुदायको आत्महत्याका कारण अकाल मृत्यु तथा भोक र रोगले ग्रस्त भएको उल्लेख गर्दै पूर्वमन्त्री समेत रहेका कांग्रेस नेता केसीले गरिब र निमुखा जनताप्रति ओली सरकार पूर्णत उदासीन रहेको आरोप लगाएका छन् ।
उनले स्वदेश फर्केका बेरोजगार युवाहरू विवश भएर पुनः विदेशिने स्थिति र गम्भीर रोगीहरूप्रति सरकारले देखाएको गैरजिम्मेवारी एवं भ्रष्टहरुका क्रियाकलापलाई प्रधानमन्त्रीबाट ढाकछोप र अभयदान दिइनुले संसदको विशेष अधिवेशन अनिवार्य भएको छ । यस्ता यावत राष्ट्रिय महत्वका विषयमा खासगरी प्रमुख प्रतिपक्ष र जनप्रतिनिधिहरु बीच गम्भीर छलफल र विश्लेषण हुनु अहिलेको राष्ट्रिय माग भएको नेता केसीको तर्क छ ।
अत प्रतिनिधिसभाको विशेष अधिवेशन आह्वान गरी मुलुकको वर्तमान संकट र परिस्थितिबारे समाधानमूलक विश्लेषण, समीक्षा गरी जनउत्तरदायी निष्कर्षमा पुग्ने भूमिका निर्वाह गर्न प्रमुख विपक्षी पार्टीको कर्तब्यअनुरुप नेपाली कांग्रेसले पहल र प्रयास गर्नु अत्यन्त जरुरी भएको नेता केसीको माग छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसरकारले तोक्यो चैते धानको समर्थन मूल्य
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
राष्ट्रिय सभाकी उपाध्यक्ष अर्यालले बुझाइन राजीनामा
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार