बत्ती गए मन्त्रीलाई फोन गर्न आग्रह

५ असोज, काठमाडौं । कूलमान घिसिङ पदमुक्त भएपछि झ्याप्प बत्ती जान थालेपछि सरकारले सार्वजनिक सूचना नै जारी गरेको छ । ऊर्जा, जलश्रोत तथा सिंचाइँ मन्त्रालयले प्राविधिक कारणले बत्ती गइरहेको भन्दै लोडसेडिङ नभएको स्प्ष्ट पारेको हो ।

ऊर्जा, जलश्रोत तथा सिंचाइँ मन्त्रीको निजी सचिवालयका अनुसार सडक विस्तारका क्रममा आइतबार बिहान ८ बजेदेखि १० बजेसम्म र ११ बजेदेखि अपराहृन १ बजेसम्म ललितपुरका विभिन्न ठाउँमा बत्ती जाने स्पष्ट पारेको छ ।

ललितपुरको पौडेल गाउँ, किटिनी, लेनिनथोक, भ्यू भृकुटी लगायत स्थानमा ११ केभी प्रसारण लाइन नजिकैका ७ वटा ट्रान्सर्फमरबाट वितरित विद्युत आपूर्ति बन्द हुने पूर्वसूचना नेपाल विद्युत प्राधिकरण लगनखेल वितरण केन्द्रले जारी गरेको छ ।

उनले कतै पूर्वजानकारी बिना विद्युत सेवा नियमित नभएको अवस्थामा उर्जामन्त्री वर्षमान पुनको सचिवालयको हटलाईन ११५१ वा नेपाल विद्युत प्राधिकरणको केन्द्रीय कार्यालय ९८५११०९८३५ मा फोन गर्न आग्रह पनि गरेका छन् ।