पूल निर्माणका विषयमा झडप, स्थानीय घाइते

५ असोज, वीरगञ्ज । पूल निर्माणका विषयमा झडप हुँदा बारा र रौतहटको सीमा क्षेत्रमा झडप भएको छ । बाराको आदर्श कोतवाल गाउँपालिका रुपौलिया र रौतहटको विजयपुर फतवाको मेवा गाउँका बासिन्दाबीच पुल निर्माणका विषयमा झडप भएको हो ।

झडपको क्रममा केही स्थानीयको टाउको हात, खुट्टामा चोट लागेको छ । हुलाकी राजमार्ग अन्तर्गत अरुवा नदीमा पुल निर्माणाधिन अवस्थामा छ । विवादकै कारण पुल निर्माणले गति लिन सकेको छैन ।

अहिलेको ठाउँमा पुल बनाउँदा नदीले धार परिवर्तन गरी गाउँ डुबानमा पार्ने भन्दै बाराको रुपौलियाका बासिन्दाले विरोध गर्दै आएको छन् । बर्षेनी यो समस्या झेल्दै आएका बासिन्दाले पहिले समस्याको समाधान हुनुपर्ने माग गरेका थिए ।