बालुवाटारमा ओली र प्रचण्डबीच भेटवार्ता

५ असोज, काठमाडौं । आजलाई तय गरिएको सचिवालय बैठक स्थगित भएपनि प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल प्रचण्डबीच भेटवार्ता भएको छ । प्रधानमन्त्री निवास बालुवाटारमा भएको भेटमा मंगलबारको बैठकबाट मन्त्रिपरिषद् पुनर्गठनबारे ओली र प्रचण्डबीच छलफल भएको हो ।

मन्त्रिपरिषद पुनर्गठन गर्ने सल्लाह भएपनि कुन कुन मन्त्रीलाई हटाउने ? कुन कुन मन्त्रीलाई राख्ने ? भन्ने विषयमा टुंगो लाग्न बाँकी छ । यसका साथै भोलि बस्ने सचिवालय बैठकका विषयमा पनि दुई अध्यक्षबीच छलफल भएको छ ।

कोटेश्वरस्थित पेरिसडाँडामा आज सचिवालय बैठक तय गरिएपनि भोलिका लागि स्थगित भएको थियो । यसअघि हिजोको बैठकमा मन्त्रिपरिषद पुनर्गठन गर्ने विषयमा छलफल भएको थियो ।