कट्टर दुस्मन भिडाललाई हासेरै बिदाई गरे मेस्सीले

५ असोज, एजेन्सी । बार्सिलोनाका स्टार मिडफिल्डर अर्टुरो भिडालले क्लब छाडेका छन् । उनी सिरी ए क्लब इन्टरमिलानमा गएका हुन् । भिडालको बिदाईमा कप्तान लियोनल मेस्सीले भावुक पोस्ट गरेका छन् ।

बार्सामा दुई सिजन बिताएका चिलीका मिड्फिल्डर भिडाल सिरि ए क्लब इन्टर मिलान जाने लगभग पक्का पक्की भएपछि मेस्सीले भावुक पोस्ट लेखेका हुन् । मेस्सी र सुवारेजसंग निकै घनिष्ट मित्र बनेका भिडालले बार्सिलोनामा एउटा ला लिगा र सुपर कोपा जित्न सफल भए ।

“ड्रेसिङ रूममा तिम्रो कमि हुनेछ, भिडाल’ मेस्सीले इन्स्टामा भनेका छन्, “म तिमीलाई यो नयाँ युग र नयाँ क्लबमा शुभकामना दिन्छु। हामी निश्चित रूपमा फेरि भेट्नेछौं।” यति भन्दै गर्दा भिडाल र मेस्सी एक अर्काका कट्टर दुस्मन हुन् ।

तीनपटक कोपा अमेरिकाको फाइनल पुगेका अर्जेन्टिनाको टिम मेस्सीलाई भिडालको चिलीले तिनैपटक असफल पारिदिएका थिए । त्यसयता मेस्सी भिडाललाई मन पराउदैन थिए । भिडाल बार्सिलोनामै आएपछि भने मेस्सीले उनलाई राम्रो व्यवहार गरेका थिए । जुन उनले इन्स्टामा पनि शेयर गरेका छन् ।