हैदरावादलाई १६४ रनको लक्ष्य, देवदुत र डीभिलियर्सको अर्धशतक

५ असोज, एजेन्सी । इण्डियन प्रिमियर लिग आईपीएलमा रोयल च्यालेन्जर्स बेङ्ग्लोरले सनराइजर्स हैदरावादलाई १६४ रनको लक्ष्य दिएको छ। दुबई क्रिकेट मैदानमा टस हारेर पहिले व्याटिङ गरेको बेङ्ग्लोरले निर्धारित २० ओभरमा ५ विकेट गुमाएर १६३ रन बनाएको हो ।

बेङ्लोरका लागि ओपनर देवदुत पार्डिकलले सर्वाधिक ५६ रन बनाए । यस्तै एबी डिभिलियर्सले ५१ रनको अर्धशतकीय पारी खेले। पाडिक्कलले आईपीएलको डेब्यु म्याचमै अर्धशतक प्रहार गरेका हुन्। त्यस्तै आरोन फिन्सले २९ तथा कप्तान विराट कोहलीले १४ रन जोडे।

हैदरावादका लागि नटराजन, विजय शंकर र अभिशेक शर्माले एक एक विकेट लिए । हैदरावादले केहीबेरमा जवाफी व्याटिङ गर्नेछ ।